საქართველოს ნაკრების მთავარი მწვრთნელის, იგორ კოკოშკოვის ღია წერილს ვიქტორ სანიკიძე "ფეისბუქის" საკუთარ გვერდზე გამოეხმაურა:"ძვირფასო იგორ, მინდა მადლობა გადაგიხადოთ ყველაფრისთვის, რაც ჩემთვის, საქართველოს ნაკრებისთვის და საქართველოსთვის გაგიკეთებიათ...
თქვენი მუშაობა სამუდამოდ იქნება დაფასებული ქართული კალათბურთის და საერთოდ, ქართული სპორტის ისტორიაში.
დიდებული მწვრთნელი ბრძანდებით და, რაც ჩემთვის კიდევ უფრო მნიშვნელოვანია - დიდებული პიროვნება. ერთ-ერთი ყველაზე ძვირფასი ადამიანი, რომელსაც შევხვედრივარ.
წარმატებები!"
(იბეჭდება მცირე ცვლილებით)
ყოველდღიური სპორტული გაზეთი "ლელო"
