თორნიკე შენგელიას "ბასკონიამ" ესპანეთის ჩემპიონატში ერთ-ერთი კონკურენტი დაამარცხა. ვიტორიული გუნდი 23-ე ტურის ბოლო მატჩში "ვალენსიას" დაუპირისპირდა და 71:63 დაამარცხა.
ქართველმა ფორვარდმა ტრავმის მოშუშების მერე მე-2 მატჩი ჩაატარა და 15:10 წუთში 2 ქულა, 6 მოხსნა (2 შეტევაში), 1 პასი და 1 ჩაჭრა მოაგროვა. შენგელიამ 8-დან 1 ორქულიანი ჩააგდო, სამქულიანი ააცილა, ბურთი 3-ჯერ დაკარგა, ერთხელ დაუფარეს, 4 პერსონალური ფოლი მიიღო, მის წინააღმდეგ კი ერთხელ დაჯარიმდნენ. ბასკონიელთა შორის საუკეთესო ფრანგი როდრიგ ბობუა გახლდათ, რომელმაც 18 ქულა მიითვალა, ამერიკელმა შეინ ლარკინმა კი 14 ქულა
"ბასკონიამ" 16 მოგება და 6 მარცხი მოაგროვა და სატურნირო ცხრილში, ვალენსიელთა გარდა, მადრიდის "რეალს" გადაუსწრო, რომელიც გასულ ტურში ლიდერ "ტენერიფესთან" დამარცხდა.
შენგელიას კლუბი მე-2 ადგილზეა და მომდევნო შეხვედრას 11 მარტს, სტუმრად, აუტსაიდერ "მანრესასთან" გამართავს.
მომზადებულია gbf.ge-ს მიხედვით
![თორნიკე შენგელიას ქართველებისთვის რეკორდული 35 ქულა ევროლიგაში [VIDEO]](/pictures/image7/fd299d3e2de088a473072c5b7a480670.jpg "თორნიკე შენგელიას ქართველებისთვის რეკორდული 35 ქულა ევროლიგაში [VIDEO]")
![შენგელიას შედეგიანი მატჩი ევროლიგაში - "ვირტუსმა" "მონაკოსთან" 21-ქულიანი უპირატესობა გაანიავა [VIDEO]](/pictures/image7/ace87c779e85d572817e6c36a0f296cb.jpg "შენგელიას შედეგიანი მატჩი ევროლიგაში - \"ვირტუსმა\" \"მონაკოსთან\" 21-ქულიანი უპირატესობა გაანიავა [VIDEO]")
