საქართველოს ნაკრების კალათბურთელის, თორნიკე შენგელიას გუნდმა "ბასკონიამ" ევროლიგის პლეი ოფში პირველი მატჩი ჩაატარა მოქმედ ჩემპიონ მოსკოვის ცსკა-სთან. 18 აპრილს რუსეთის დედაქალაქში გამართულ სერიის პირველ შეხვედრაში შენგელიას გუნდი დაძაბულ ბრძოლაში, ანგარიშით 90:98 დამარცხდა.
ქართველი ფორვარდი სტუმართა სასტარტო ხუთეულში არ ყოფილა, თუმცა ის თავის გუნდში ერთ-ერთი საუკეთესო იყო. მან მოედანზე 21:28 წუთი გაატარა და 12 ქულა, 4 მოხსნა, 3 პასი და 1 დაფარება მიითვალა. 6-დან 3 ორქულიანი და 7-დან 6 საჯარიმო ჩააგდო, სამქულიანი ააცილა, ბურთი 3-ჯერ დაკარგა, 1 პერსონალური ფოლი მიიღო, მის წინააღმდეგ კი 6-ჯერ დაჯარიმდნენ.
შენგელიას სარგებლიანობის კოეფიციენტი 17-ს გაუტოლდა, რითას ის ბასკური კლუბის რიგებში მხოლოდ იოჰანეს ვოიგტმანს ჩამორჩა. გერმანელმა ცენტრმა 12 ქულა, 8 მოხსნა, 2 პასი და 1 ჩაჭრა მოაგროვა.
შეგახსენებთ, რომ ევროლიგის 16 გუნდიდან ბრძოლას ჩემპიონობისთვის 8 საუკეთესო 1/4-ფინალში აგრძელებს. სერია სამ მოგებამდეა და ესპანური კლუბი მომდევნო მატჩს ცსკა-სთან კვლავ მოსკოვში, 20 აპრილს ჩაატარებს.
10:34 19-04-2017
თორნიკე შენგელიას 12 ქულა და დასანანი მარცხი მოსკოვში [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
ასევე დაგაინტერესებთ
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
უძრავი ქონება
107.00 k
150.00 k
სიახლეები
პოპულარული
