ზაზა ფაჩულია ამერიკის ნაციონალური საკალათბურთო ასოციაციის 2016/17 წლების ლიგის ჩემპიონია!ქართველი კალათბურთელის გუნდმა "გოლდენ სტეიტმა", თბილისის დროით 13 ივნისს, დილით, ოკლენდში გამართული ფინალური სერიის მეხუთე მატჩში "კლივლენდ კავალიერსი" ანგარიშით 129:120 დაამარცხა, სერია 4:1 მოიგო და ჩემპიონის ტიტული ბოლო სამი წლის განმავლობაში მეორედ, ისტორიაში კი მეხუთედ მოიპოვა (BAA: 1947, NBA: 1956, 1975, 2015, 2017).
ჩემპიონობის მომტან მატჩში ქართველმა ცენტრმა 10 წუთი ითამაშა, რის განმავლობაშიც 3 მოხსნა (ყველა მეტოქის ფარზე) და 1 შედეგიანი გადაცემა მიითვალა. ფაჩულიამ ბურთი 2-ჯერ დაკარგა და 4-ჯერ დაჯარიმდა.
ზაზა ფაჩულია პირველი ქართველი კალათბურთელია, ვინც მსოფლიოს უძლიერესი საკალათბურთო ლიგის გამარჯვებული გახდა, რაც უდიდესი წარმატებაა მთლიანად ქართული სპორტის მასშტაბით. ეს გამარჯვება ზაზამ ქართული დროშის თანხლებით იზეიმა.
იხილეთ ვიდეო: ზაზა ფაჩულია საქართველოს დროშით
იხილეთ ფოტოგალერეა
შეგახსენებთ, რომ 33 წლის ფაჩულია NBA-ში 2003 წლიდან გამოდის, სადაც ბოლო სეზონამდე "ორლანდოში", "მილუოკიში", "ატლანტასა" და "დალასში" თამაშობდა. შარშან ზაფხულს მან არჩევანი ვარსკვლავურ "გოლდენ სტეიტზე", საკმაოდ დაბალი ხელფასის სანაცვლოდ, მაგრამ საჩემპიონო ბეჭდის მოპოვების იმედად შეაჩერა და როგორც ვხედავთ, არც შემცდარა!
![მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]](/pictures/image7/6aa73e14496b5afe793a6369ddb40149.jpg "მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]")
![სასტარტო ბითაძემ სათადარიგო კარტერს აჯობა - "მეჯიქი" "გოლდენ სტეიტთან" დაძაბულ ბრძოლაში დამარცხდა [VIDEO]](/pictures/image7/b6d4b617c716dfc7f1ba27c85459b64e.jpg "სასტარტო ბითაძემ სათადარიგო კარტერს აჯობა - \"მეჯიქი\" \"გოლდენ სტეიტთან\" დაძაბულ ბრძოლაში დამარცხდა [VIDEO]")
![სტეფ კარის შოუ "საკრამენტოსთან" და "გოლდენ სტეიტის" პირველი გამარჯვება ახალ სეზონში [VIDEO]](/pictures/image7/59f32ea5ddea3ac357c7f11ccfe04a04.jpg "სტეფ კარის შოუ \"საკრამენტოსთან\" და \"გოლდენ სტეიტის\" პირველი გამარჯვება ახალ სეზონში [VIDEO]")
!["ლეიკერსმა" მაგარი თამაში ჩაატარა, "გოლდენ სტეიტი" დაამარცხა და ფინალში გავიდა [VIDEO]](/pictures/image7/623004260c10caf08939171d54eaba0f.jpg "\"ლეიკერსმა\" მაგარი თამაში ჩაატარა, \"გოლდენ სტეიტი\" დაამარცხა და ფინალში გავიდა [VIDEO]")
!["გოლდენ სტეიტმა" "საკრამენტო" დაძაბულ ბრძოლაში დაამარცხა და სერიაში ანგარიში გაათანაბრა [VIDEO]](/pictures/image7/1524b2a91bfc38af1477fafa5c7d0d50.jpg "\"გოლდენ სტეიტმა\" \"საკრამენტო\" დაძაბულ ბრძოლაში დაამარცხა და სერიაში ანგარიში გაათანაბრა [VIDEO]")
ზაზას წინასასეზონო გათვლები უნაკლო აღმოჩნდა და ის ნბას ჩემპიონია.
თუმცა აქაურ "თამადა" ფანებთან მაქვს შეკითხვა:იმედია ადევნეთ თვალი ფინალურ მატჩებს და მაინტერესებს,რა ლოგიკით ამბობდით,ფაჩულია ამ ფინალში გადამწყვეტ სიტყვას იტყვისო.
იქნებ შედარებით კომპეტენტურმა მიპასუხოთ.აი ისეთმა,კალათბურთი თუ არა, ვერის ბაღი რომ მაინც იცის სად არის :-)