გიორგი შერმადინის გუნდი დაძაბულ ბროლაში სტუმრად ანგარიშით 72:78 დამარცხდა. "ანდორამ" შეხვედრა მადრიდში, "ფუენლაბრადასთან" დათმო.შერმადინი სასტარტო ხუთეულში იყო და 24:42 წუთში 6 ქულა და 2 მოხსნა მოაგროვა. ქართველმა ცენტრმა 2-დან 1 ორქულიანი და 4-ვე საჯარიმო ჩააგდო, ბურთი 4-ჯერ დაკარგა, ერთხელ დაუფარეს, 2 პერსონალური ფოლი მიიღო, მის წინააღმდეგ კი 3-ჯერ დაჯარიმდნენ.
4 ტურის შემდეგ შერმადინის გუნდს 3 წაგება და 1 მოგება აქვს და 18-გუნდიან ლიგაში მე-13 ადგილზე იმყოფება. ლიგის ერთ-ერთი ლიდერი კი თორნიკე შენგელიას "ლაბორალ კუჩა" შეიქნა, რომელმაც მიჯრით მე-4 გამარჯვება
შენგელია ტრავმირებულია, აღნიშნულ შეხვედრაში არ უთამაშია, მის არყოფნაში კი, მასპინძლებს ფაბიენ კოსიემ (16 ქულა), მაიკ ჯეიმსმა (13) და იოანის ბურუსისმა (12) ულიდერეს.
მომდევნო ტურში, 8 ნოემბერს, "ანდორა" "ბარსელონას" დაუხვდება, ხოლო "ლაბორალ კუჩა" ასევე დაუმარცხებელ "ვალენსიას" ესტუმრება.
მომზადებულია gbf.ge-ს მიხედვით
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
