საქართველოს ნაკრების ცენტრმა გიორგი შერმადინმა ესპანეთის ჩემპიონატის მორიგ ტურში ორმაგი დუბლი მიითვალა და თავის გუნდ "მორაბანკ ანდორას" ერთ-ერთი ლიდერი, ევროლიგის მონაწილე "უნიკახა" დაამარცხებინა.შერმადინი სასტარტო ხუთეულში იყო და მოედანზე გატარებულ 22:37 წუთში 15 ქულა, 10 მოხსნა , 1 პასი და 1 ჩაჭრა მიითვალა. ქართველი ცენტრის მარგი ქმედების კოეფიციენტმა 25-ს უწია და ის ამ შედეგით ორივე გუნდის შემადგენლობაში საუკეთესო იყო.
შერმადინი მატჩის საუკეთესო მოთამაშედ დასახელდა. არადა, შეხვედრა ძალიან დაძაბული და დრამატული გამოდგა. ანდორელებმა სახელიანი მეტოქე ბოლო წამებზე - 82:79 დაამარცხეს.
შერმადინთან
"უნიკახას" შემადგენლობაში 15 ქულით ნემანია ნედოვიჩი გამოირჩა, რიჩარდ ჰენდრიქსმა და უილიამ ტომასმა კი 12-12 ქულა მიითვალეს.
"ანდორას" 3 მოგება და 4 მარცხი აქვს და 3 გუნდთან ერთად მე-9-მე-12 ადგილებს იყოფს.
მომდევნო შეხვედრა შერმადინის გუნდს 29 ნოემბერს, სტუმრად "მურსიასთან" ელის.
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
