საქართველოს ნაკრებისა და "ანდორას" ცენტრმა გიორგი შერმადინმა სეზონის ერთ-ერთი საუკეთესო მატჩი ჩაატარა. მართალია, მისმა "ანდორამ" ესპანეთის უმაღლეს ლიგაში მორიგი მატჩი წააგო, თუმცა ქართველი ცენტრის ზეშედეგიანი თამაში ქართველებისთვის უმნიშვნელოვანესია.
ანდორელები სტუმრად "გრან კანარიას" ხვდებოდნენ და 13 ქულით - 85:98 დამარცხდნენ. შერმადინმა სასტარტო ხუთეულში ითამაშა და მოედანზე გატარებულ 28:26 წუთში 21 ქულა, 7 მოხსნა, 3 ჩაჭრა, 3 დაფარება და 1 პასი მიითვალა. ქართველმა ცენტრმა 12-დან 10 ორქულიანი ჩააგდო, რასაც 1 ზუსტი საჯარიმო მოაყოლა.
იხილეთ ვიდეო
![Sportall.Ge](/pictures/artimages/image16/5128aed85c766b72fc24b10791564f03.jpg "გიორგი შერმადინის ალეი ოპი და 21 ქულა "გრან კანარიასთან" [VIDEO]")
შერმადინის მარგი ქმედების კოეფიციენტმა 34 ერთეული შეადგინა,
11 მოგებითა და 18 მარცხით შერმადინის გუნდი ანალოგიური შედეგის მქონე "ხუვენტუდთან" მე-12-მე-13 ადგილებს იყოფს. მომდევნო ტურში, 1 მაისს, "ანდორა" სწორედ "ხუვენტუდს" მასპინძლობს.
მომზადებულია gbf.ge-ს მიხედვით
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
