დასრულდა "ზაზა ფაჩულიას აკადემიისა" და "NBA ჟუნიორის" ერთობლივი საზაფხულო კემპი, რომელიც დიდუბის მანეჟში ჩატარდა და მასში 300-მა ბავშვმა მიიღო მონაწილეობა. ადგილობრივ მწვრთნელებთან ერთად პატარებს ავარჯიშებდნენ NBA-დან მოვლენილი სპეციალისტები: ნილ მაიერსი, ვანია ჩერნიეჩი და ტომე მაროსი.- ბავშვებისთვის ცოდნის გაზიარება ყოველთვის სასიამოვნოა. ზაზა დიდი ჩემპიონია. მადლობა მას, კალათბურთს და საქართველოს. ბავშვები ჩვენი მომავალია! - აღნიშნა ნილ მაიერსმა.
ზაზას აკადემიაში უვე მეორე წელია მოღვაწეობს სლოვენიელი მწვრთნელი დეიან პროკიჩი, რომლის გაწვრთნილმა 18-წლამდელთა გუნდმა ახლახან საქართველოს ჩემპიონობა მოიგო. ბატონი დეიანიც კმაყოფილი ჩანდა:
- ჩვენი
- თქვენი ყოველი ნაბიჯი ვიცი, - მიმართა ზაზამ ბავშვებს ამერიკიდან (ინტერნეტკონფერენციის საშუალებით), - ძალიან გამახარეს 18-წლამდელებმა, რომლებმაც საქართველოს ჩემპიონობა მოიპოვეს. ვფიქრობ, ეს გუნდი ქართული "გოლდენ სტეიტია", მთელი სეზონის განმავლობაში ხომ მხოლოდ ორი მატჩი წააგო.
დარწმუნებული ვარ, აკადემიის თითოეული წევრი ხედავს საკუთარ პროგრესს, იმაზე უკეთესია, ვიდრე სეზონის დასაწყისში იყო. თუ ასეა, ძალიან მიხარია. ე.ი. ჩვენს შრომას შედეგი მოაქვს.
თუმცა დიდი მიზნების მიღწევას ბევრი გარჯა სჭირდება. მაგალითს გეტყვით: კლეი ტომპსონი, სტეფ კარი და კევინ დურანტი ყველაზე მეტს შრომობენ მსოფლიოში. ამიტომაც არიან NBA-ს ჩემპიონები. ვერ წარმოიდგენთ, რა გრძნობაა ჩემპიონობა, როდესაც ნაციონალური საკალათბურთო ასოციაციის ან რომელიმე სხვა ქვეყნის ჩემპიონის თასს სწევ, საქართველოს ასახელებ, საკუთარ ქვეყანას დადებითად წარმოაჩენ. ამისთვის ბევრი შრომა ნამდვილად ღირს.
ზაზა პატარებს დაჰპირდა, რომ ივლისის ბოლოს შეხვდება და თან NBA-ს თასსაც ჩამოიტანს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
