28 დეკემბერს კალათბურთის აკადემიის სპორტდარბაზში საუნივერსიტეტო სპორტის ფედერაციის მიერ ორგანიზებული კალათბურთის საუნივერსიტეტო ლიგის გათამაშება დასრულდა, რომლის გენერალური სპონსორი კომპანია "ბილაინი" იყო.ტურნირის გამარჯვებული სტუ გახდა, ვინც ფინალურ შეხვედრაში თსუ-ს 83:59 მოუგო. მესამე ადგილისთვის მატჩში სამედიცინო უნივერსიტეტმა სეუ 75:71 დაამარცხა. შეჯიბრების დასრულების შემდეგ ტურნირის საუკეთესო მოთამაშედ სეუ-ს კალათბურთელი გურამ პატარაია დაასახელეს.
ტურნირში სულ 10 უმაღლესი სასწავლებლის გუნდი მონაწილეობდა, წრიული სისტემით ჩატარებული მატჩების შემდეგ კი 8 საუკეთესო გუნდი გამოვლინდა, რომლებმაც ჩემპიონობისთვის ბრძოლა მეოთხედფინალებიდან გააგრძელეს და ჩემპიონ-პრიზიორების ვინაობაც გამოავლინეს.
msy.gov.ge
