ესპანეთის ჩემპიონატის ფინალური სერიის დასრულების შემდეგ, რომელშიც მადრიდის "რეალმა" 4:2 დაამარცხა "ბარსელონა", კატალონური გრანდის ერთ-ერთმა ლიდერმა, 2011 წლის ევრობასკეტის საუკეთესო კალათბურთელმა ხუან-კარლოს ნავარომ უარი განაცხადა წელს, კონტინენტის პირველობაში გამოსვლაზე."ერთ რამეში დარწმუნებული ვარ: ზაფხულში ეროვნული ნაკრებისგან უნდა დავისვენო. პაუზის აღების დრო მოვიდა. ეს ძალიან რთული სეზონი იყო "ბარსელონასთვის" და პირადად ჩემთვის", - განაცხადა 33 წლის მცველმა.
სხვათა შორის, ნავარო, რომელიც მთელი სეზონი იტანჯებოდა ტრავმების გამო, ვერ დაეხმარა "ბარსელონას" სერიის მეექვსე მატჩში.
ხუან-კარლოსი პირველი მოთამაშე არ არის, ვინც უარი თქვა ევროპის
ყველა ლიდერი, დიამანტიდისის გარდა
მომავალი ევრობასკეტისთვის გაფართოებული შემადგენლობა გამოაცხადა საბერძნეთის ნაკრების დამრიგებელმა ანდრეა ტრინკიერიმ. მაშინვე გვხვდება თვალში დიმიტრის დიამანტიდისის არყოფნა - მცველმა უარი განაცხადა სანაკრებო კარიერის განახლებაზე, სამაგიეროდ, გუნდშია ბერძნების ყველა სხვა ლიდერი.
სია შემდეგმა კალათბურთელებმა შეადგინეს:
მცველები: ნიკოს ზისისი, კოსტას ვასილიადისი (ორივე - "ბილბაო", ესპანეთი), ნიკ კალატესი ("ლოკომოტივი-ყუბანი", რუსეთი), დიმიტრის კაციველისი, ვასილის სპანულისი, კოსტას სლუკასი (ყველა - "ოლიმპიაკოსი"), მაიკლ ბრამოსი ("პანათინაიკოსი"), ნიკოს პაპასი ("პანიონიოსი");
ფორვარდები: კოსტას პაპანიკოლაუ, სტრატოს პერპეროგლუ, გეორგიოს პრინტეცისი (ყველა - "ოლიმპიაკოსი"), ანტონის ფოცისი ("პანათინაიკოსი"), ვლადიმირ იანკოვიჩი ("პანიონიოსი");
ცენტრები: კოსტას კაიმაკოგლუ, იან ვუიუკასი (ორივე - უნიქს, რუსეთი), ლუკას მავროკეფალიდისი ("ბარსელონა", ესპანეთი), იოანუს ბურუსისი ("მილანი", იტალია), სოფოკლის შორცანდისი ("პანათინაიკოსი").
* * *
2013 წლის ევრობასკეტზე თამამად შეიძლება ერთ-ერთი აუთსაიდერის როლი მიენიჭოს გერმანიის ნაკრებს. საქმე ისაა, რომ კონტინენტის პირველობაზე გერმანელებს პრაქტიკულად არც ერთი ლიდერი არ დაეხმარება.
განაცხადში ვერ ვიხილავთ NBA-ის კალათბურთელებს - დირკ ნოვიცკის, კრის კამანსა და ტიმო ოლბრეხტს. ასევე არ შეუერთდებიან გუნდს გამოცდილი ბავარიელები - შტეფან ჰამანი და იან-ჰენდრიკ იაგლა.
მთლიანად გერმანელთა გაფართოებული შემადგენლობა ასე გამოიყურება:
მცველები: კარსტენ ტადა (“ბამბერგი”), ბასტიან დორეტი (“ტრირი”), ჰაიკო შაფარციკი (“ალბა”), ლუკა შტაიგერი (უკლუბოდ), პერ გიუნტერი (“რატიოფარმი”), ფილიპ ცვაინერი (“აისბარენი”), ნიკოლაი სიმონი (“ბაიროიტი”);
ფორვარდები: ფილიპ შვეტჰელმი (“რატიოფარმი”), რობინ ბენცინგი (“ბავარია”), იოჰანეს ლიშკა (“ტიუბინგენი”), ალექს კინგი (“ვიურცბურგი”), ნილს გიფი (კონეკტიკუტის უნივერსიტეტი, NCAA);
ცენტრები: მაიკ ცირბესი, ფილიპ ნოიმანი (ორივე – “ბამბერგი”), ანდრეას ზაიფერტი (“ტრირი”), ტიბორ პლიაისი (“კახა ლაბორალი”, ესპანეთი), პატრიკ ჰეკმანი (ბოსტონის უნივერსიტეტი, NCAA).
მოულოდნელი სიკვდილი
მოულოდნელი ინფორმაცია გავრცელდა შვეიცარიიდან. ჟენევაში ვიზიტის დროს, მოულოდნელად გარდაიცვალა “FIBA-ევროპას” პრეზიდენტი ოლაფურ რაფნსონი. ის 50 წლის იყო. რაფნსონის სიკვდილი დაადასტურა FIBA-ის ოფიციალურმა ვებგვერდმა.
პრეზიდენტი ჟენევაში FIBA-ის ახალი შტაბ-ბინის ოფიციალურ გახსნასთან დაკავშირებით იმყოფებოდა.
რაფნსონი ყოფილი კალათბურთელია. “FIBA-ევროპას” პრეზიდენტის (2010 წელს აირჩიეს) პოსტის გარდა, ის, აგრეთვე, ისლანდიის ეროვნული ოლიმპიური ასოციაციის პრეზიდენტიც იყო.
ყოველდღიური სპორტული გაზეთი "ლელო"
ასევე იხილეთ:
სერბეთმა ლიდერი დაკარგა
