NBA. საწვრთნელი მატჩები: კობი დაბრუნდა

გუშინ, სამი შეხვედრით გაგრძელდა საწვრთნელი მატჩების სერია და განსაკუთრებული დღე ჰქონდათ "ლოს ანჯელეს ლეიკერსის" გულშემატკივრებს. თითქმის ნახევარწლიანი პაუზის შემდეგ, პირველ შეხვედრას ატარებდა კლუბის ლეგენდა კობი ბრაიანტი.

37 წლის მცველს შეზღუდული სათამაშო დრო მიეცა. მან მხოლოდ 12 წუთი გაატარა მოედანზე, თამაშიდან ხუთჯერ ისროლა და ერთი ჩააგდო, ორიდან ორი საჯარიმო მოათავსა კალათში და ხუთი ქულა დააგროვა. მოხსნისა და შედეგიანი პასის გრაფაში კობის "ნული" ჰქონდა.

"თავს შესანიშნავად ვგრძნობ. ძალიან მოხარული ვარ, რომ ისევ აღმოვჩნდი პარკეტზე. ჩემი ფეხები შესანიშნავად უძლებდნენ დატვირთვას. საერთოდ არ დავღლილვარ. ამჟამად, ვეჩვევი შემცირებულ სათამაშო დროს", - განაცხადა კალათბურთელმა.

მაიამი-შარლოტი 77:90
22:26, 24:23, 17:20, 14:21
მ: ბოში (14+7 მოხსნა), სტაუდმაიერი (12+6 მოხსნა), უეიდი (12+5 მოხსნა), გრინი (12+5 მოხსნა), უინსლოუ (9), დენგი (7+5 მოხსნა).
შ: რობერტსი (21), უოკერი (17), ლინი (10), კამინსკი (9+11 მოხსნა), ზელერი (8+5 მოხსნა).

ტორონტო-კლიპერსი 93:73
24:16, 16:18, 37:28, 16:11
ტ: ლოური (26), სკოლა(13+8 მოხსნა), დეროზანი (11+6 მოხსნა), ვალანჩუნასი (10+12 მოხსნა), კეროლი (6).
კ: რედიკი (15), გრიფინი (14), ჯორდანი (8+10 მოხსნა), პოლი (7+8 პასი), სმიტი (6).

ლეიკერსი-იუტა 71:90
16:18, 22:15, 21:24, 12:33
ლ: უილიამსი (14), იანგი (10), კლარკსონი (9+5 მოხსნა), რენდლი (7+7 მოხსნა), ჰიბერტი (3+10 მოხსნა).
ი: ფეივორსი (16+9 მოხსნა), ჰეივორდი (11+9 მოხსნა), გობერი (10+8 მოხსნა), ბერკი (10+5 მოხსნა), ბუკერი (9).

ყოველდღიური სპორტული გაზეთი "ლელო"