საქართველოს ნაკრების მწვრთნელი ილიას ზუროსი ამას წინათ თბილისში იყო ჩამოსული, 2021 წლის ევრობასკეტზე ისაუბრა და თქვა, რომ ჯერ ნატურალიზებულ კალათბურთელებზე ლაპარაკი ნაადრევია და ეროვნულ გუნდს განსაკუთრებით დაცვაში უჭირს თამაში.
შეგახსენებთ, ევროპირველობა ოთხ ქვეყანაში, მათ შორის, საქართველოშიც ჩატარდება, რის გამოც ჩვენი გუნდი ფინალურ ეტაპზე პირდაპირ მოხვდება, თუმცა შესარჩევ ტურნირზე მაინც მიიღებს მონაწილეობას.
მაინც ვინ იქნება ნაკრების ლეგიონერი? როგორც იცით, ეროვნულ გუნდში მხოლოდ ერთ ნატურალიზებულ კალათბურთელს აქვს თამაშის უფლება. უკანასკნელ ხანს პრიორიტეტი მეტ ჯენინგს ენიჭებოდა, თუმცა ის, სამწუხაროდ, "ბასკონიაში" ვერ ბრწყინავს.
კარგ სეზონს
ატარებს ესპანეთში ტედ მაკფადენი - ლიგა ენდესას მე-14 ტურში "ბასკონიასთან" სტუმრად მოგებულ შეხვედრაში (82:74) მან 31:47 წუთში 19 ქულა ჩააგდო, 21-იანი კოეფიციენტით მატჩის MVP გახდა და საერთოდ, "ბურგოსის" წამყვანი მოთამაშეა.
და კიდევ: არაა გამორიცხული, ჩვენს გუნდში მაიკლ დიქსონი (იხ. ფოტო) დაბრუნდეს. ის ამჟამად ისრაელის პირველი ლიგის (რანგით მეორე დივიზიონია) "ბნეი ჰერცლიას" ღირსებას იცავს, რომელიც სატურნირო ცხრილში მეორე ადგილზეა და ელიტარულ ლიგაში აღზევებისთვის იბრძვის.
მაიკლ დიქსონი სეზონის ბოლომდე "რეჯიო ემილიაში" ითამაშებს
ილიას ზუროსი: მაიკლ დიქსონსა და ტედ მაკფადენს ერთმანეთს ვერ შევადარებ
მადლობა ულამაზეს საქართველოს - მაიკლ დიქსონის ემოციური პოსტი სოციალურ ქსელში
![დამცირებული და აცრემლებული მაიკლ დიქსონი დახმარებას ითხოვს [VIDEO]](/pictures/image7/86e583987604234f50384fc78f00ca63.jpg "დამცირებული და აცრემლებული მაიკლ დიქსონი დახმარებას ითხოვს [VIDEO]")
