გიორგი შერმადინის წინამძღოლობით “ტენერიფე იბეროსტარმა” “ფუენლაბრადაც” დაამარცხა და ესპანეთის ჩემპიონატში 4-დან 4 მოგებით ერთპიროვნულად გალიდერდა. ცარიელ დარბაზში ტენერიფელებმა საშუალო გაქანების მეტოქე მიიღეს და დაძაბულ ბრძოლაში 91:87 დაამარცხეს.შერმადინი ტრადიციულად სასტარტო ხუთეულში იყო და საბოლოოდ ის მატჩის MVP გახდა. ქართველმა ცენტრმა 25:03 წუთი ითამაშა, რა დროშიც 17 ქულა, 6 მოხსნა, 3 პასი და 2 დაფარება მიითვალა. შერმადინს თამაშიდან ბურთი არ აუცელია (4-დან 4 ორქულიანი), ხოლო 10 საჯარიმო სროლიდან 9 ჩააგდო.
საბოლოოდ შერმადინის სარგებლიანობის ინდექსმა 29 შეადგინა, რაც მოედანზე მყოფთაგან საუკეთესო იყო.
4-დან 4 გამარჯვებით ტენერიფელები ლიდერები არიან. 3-დან 3 მოგებება აქვთ “ბარსელონასა” და “რეალს”. შერმადინს მორიგი ტურის მატჩი ყოფილ გუნდთან უწევს. “ტენერიფე” 18 ოქტომბერს “უნიკახას” უმასპინძლებს.
GBF.GE
![alt](/pictures/image50/719ce44d668d5ba6bef7c83156ee95be.jpg "შერმადინი "ფუენლაბრადასთან" მოგებული მატჩის MVP გახდა")
შერმადინი საუკეთესო იყო, თუმცა მისი "ტენერიფე" "სარაგოსასთან" დამარცხდა
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
