ჩვენი გუნდის მწვრთნელმა ჯიკიჩმა პარკეტზე შემდეგი სასტარტო ხუთეული გაიყვანა: ანდრონიკაშვილი, კორსანტია, ტომასონი, ბითაძე, მამუკელაშვილი. პირველი მეოთხედი მასპინძლებმა 17:13 მოიგეს, შემდეგ უპირატესობა გაზარდეს და პირველი ტაიმი 45:24 დასრულდა.
დიდი შესვენების შემდეგ საქართველოს ნაკრები შედარებით უკეთ თამაშობდა, სხვაობა 13 ქულამდე შეამცირა, თუმცა მესამე პერიოდის წინ ტაბლოზე 58:41 დაფიქსირდა, დასკვნით მეოთხედში კი ლატვიელები დომინირებდნენ და საბოლოოდ დამსახურებული გამარჯვება მოიპოვეს.
ჩვენი გუნდიდან 14 ქულით ყველაზე შედეგიანი მამუკელაშვილი იყო. ბითაძემ 7 ქულა ჩააგდო, ხოლო ანდრონიკაშვილმა - 6.
მომდევნო შეხვედრას ჩვენი გუნდი 4 ივლისს ფილიპინებთან ჩაატარებს და შემდეგ ეტაპზე გასასვლელად აუცილებლად გამარჯვება სჭირდება.
საქართველოს ნაკრები იურმალიდან რიგაში ჩავიდა და პირველი ვარჯიში გამართა
