ესპანეთში ქართული დერბი შედგა. სან-სებასტიანში ერთმანეთს ბექა ბურჯანაძის "დელტეკო" და თორნიკე შენგელიას "ბასკონია"შეხვდნენ. მატჩი ვიტორიულმა გუნდმა 10 ქულით - 87:77 მოიგო და ლიდერთა შორის პოზიცია გაიმყარა.
ორივე ქართველი სასტარტო ხუთეულში იყო. ბურჯანაძემ 26:06 წუთში 8 ქულა, 3 მოხსნა, 3 პასი და 1 ჩაჭრა მოაგროვა. ბექამ 11-დან 3 ორქულიანი და 2-დან 2 საჯარიმო ჩააგდო, 3 სამიანი კი ააცილა. მისმა სარგებლიანობის ინდექსმა მხოლოდ 2 ერთეული შეადგინა.
შენგელიამ მოედანზე 25:25 წუთი გაატარა და ის ბასკონიელთაგან საუკეთესო იყო. თორნიკემ 9-დან 6 ორქულიანი და 2-დან 1 საჯარიმო ჩააგდო, 3 სამიანი კი მანაც ააცილა. 13 ქულასთან ერთად შენგელიამ 7 მოხსნა, 2 ჩაჭრა და 1 პასი მიითვალა. მისმა სარგებლიანობის ინდექსმა 20 შეადგინა, რაც ბასკონიელთაგან საუკეთესო შედეგი გახლდათ.
24 მოგებითა და 7 მარცხით "ბასკონია" ესპანურ ლიგაში მესამე ადგილზეა და მხოლოდ 1 ქულით ჩამორჩება "ბარსელონასა" და "რეალს". ბურჯანაძის გუნდს კი 31 მატჩში მხოლოდ 10 მოგება აქვს და გასავარდნ ზონაში, ბოლოსწინა ადგილზე იმყოფება. დასკვნით 3 ტურში სანსებასტიანელებს დიდი ბრძოლა ელით უმაღლეს ლიგაში დასარჩენად.
მომზადებულია gbf.ge-ს მიხედვით
10:28 10-05-2019
ქართული დერბი - შენგელიას "ბასკონიამ" ბურჯანაძის "დელტეკო" დაამარცხა [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
უძრავი ქონება
107.00 k
150.00 k
სიახლეები
პოპულარული
