გიორგი შერმადინის "უნიკახამ" ესპანეთის ჩემპიონატში მორიგი, მე-20 გამარჯვება მოიპოვა. ბოლოსწინა, 33-ე ტურში მალაგელები "იბეროსტარ ტენერიფეს" ესტუმრნენ და 92:85 სძლიეს. ქართველი ცენტრი თამაშში სათადარიგოთა სკამიდან ჩაერთო და 21:32 წუთში 6 ქულა, 4 მოხსნა და 1 დაფარება მიითვალა.შერმადინმა 2-დან 1 ორქულიანი და 6-დან 4 საჯარიმო ჩააგდო, ბურთი ერთხელ დაკარგა, 1 პერსონალური ფოლი მიიღო, მის წინააღმდეგ კი 6-ჯერ დაჯარიმდნენ.
"უნიკახა" მომდევნო შეხვედრას 26 მაისს, შინ, გიორგის ყოფილ გუნდ "მორაბანკ ანდორასთან" ჩაატარებს. ნებისმიერ შემთხვევაში შერმადინის გუნდი რეგულარულ ჩემპიონატს მე-5 ადგილზე დაასრულებს და პლეი-ოფის
პირველ, მეოთხედფინალურ რაუნდში მეოთხეადგილოსან "ვალენსიას" შეხვდება.
მომზადებულია Gbf.ge-ს მიხედვით
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
