ახალგაზრდა ქართველმა კალათბურთელმა გოგა ბითაძემ "ინდიანა პეისერსის" FanJam საღამოში მიიღო მონაწილეობა და როგორც გუნდის ახალწვეული და დებიუტანტი, გულშემატკივრების წინაშე სასაცილო ფორმაში გამოწყობილი სიმღერითა და ცეკვით წარდგა.
მსგავსი ტიპის წვეულებას "ინდიანა", სხვა კლუბების მსგავსად, დიდი ხანია აწყობს. ეს გულშემატკივრებისთვის კარგი შესაძლებლობაა, შეხვდნენ თავიანთი საყვარელი გუნდის მოთამაშეებს, გაატარონ მათთან ერთად დრო, გადაიღონ სამახსოვრო ფოტოები და კალათბურთელებისთვისაც არის შესაძლებლობა, განსხვავებული ამპლუით მოაწონონ თავი ფანებს. გოგას კი ეს კარგად გამოუვიდა და შოუს გამარჯვებულიც კი გახდა.
ბითაძე იაპონური კომპანია Nintendo-ს ცნობილი თამაშის, სუპერმარიოს გმირ მარიოს ფორმაში იყო ჩაცმული და კრისტინა აგილერას სიმღერა "Genie In A Bottle" შეასრულა. მართალია, 211 სმ სიმაღლის ახალგაზრდა ცენტრს ცუდად არ უმღერია, თუმცა უნდა ვაღიაროთ, რომ ავტორის ვერსია ოდნავ უკეთესია, ალბათ, ცეკვაც მცირედით უფრო მიმზიდველიც.
თუმცა, რაც მთავარია, როგორც გოგა, ისე გულშემატკივრები, თანაგუნდელები და მწვრთნელი კმაყოფილნი დარჩნენ.
"ყოველთვის გამარჯვებისკენ ვარ მიმართული, დებიუტანტის შოუში გამარჯვებაც შესანიშნავი გრძნობაა და სხვათა შორის, ჩემს ჯილდოს ველოდები, ჯერ არაფერი მიმიღია და იმედია, რამეს მომცემენ.
სიმართლე რომ გითხრათ, არ მივარჯიშია, უბრალოდ ჩავიცვი ფორმა, გავედი ფანებთან და გავერთე. მთავარი იყო ამ წუთებით სიამოვნების მიღება და სიმღერასა და ცეკვაში ვარჯიში ამისთვის არ მჭირდებოდა.
კოსტიუმი კი მაილსს (ტერნერი) ეკუთვნის, მან მათხოვა. მართალია, ცოტა ვიწროდ მქონდა, მაგრამ არა უშავს, ყველაფერი მაინც კარგად გამომივიდა. ისე, სიმღერაც მაილსმა შემირჩია და არც კი წარმოედგინა, რომ ტექსტი ვიცოდი.
ძალიან სასიამოვნო იყო ფანებთან შეხვედრა ამ ფორმით. ძალიან თბილი ხალხია. მე გავერთე, ვისიამოვნე. იმედია, მათაც მსგავსი ემოციები დარჩათ".
გოგას არც "ინდიანას" მწვრთნელი ჩამორჩა და საკუთარ წვლილზე ისაუბრა.
"როცა ბიჭები გამოდიან და ხალხის წინ წარდგებიან, ამას მომზადება სჭირდება და მწვრთნელები ამისთვის ვართ. ცუდად არ გამოსვლიათ, გამოვიდნენ და ნომერი შეასრულეს, თუმცა მათ კიდევ ცოტა მუშაობა სჭირდებათ. თუმცა, ვთვლი, რომ ახალწვეულები კარგები იყვნენ, როგორც გასართობ შოუში, ისე პარკეტზე, ნამდვილი თამაშის დროს", - თქვა ნეით მაკმილანმა.
"კარგია, რომ საკმარისი დრო გვქონდა ერთად გასატარებლად სეზონის დაწყებამდე. კარგი იყო ინდოეთში წასვლაც, აქ ფანებთან ერთად ყოფნა. ეს ყველაფერი ერთმანეთის უკეთ გაცნობასა და კარგი ურთიერთობების ჩამოყალიბებაში გვეხმარება", - განაცხადა მაილს ტერნერმა.
"ინდიანა პეისერსს" ნაციონალური საკალთბურთო ასოციაციის 2019/20 წლების სეზონის დაწყებამდე 1 შეხვედრა დარჩა. ეს მატჩი 16 ოქტომბერს გაიმართება და ინდიანაპოლისელები "მინესოტას" შეხვდებიან. ეს გოგას ბოლო შანსია, რომ ოფიციალურ შეხვედრებამდე პირველი მატჩი ჩაატაროს თავის ახალ გუნდში.
მას ნათელი მომავალი აქვს - თანაგუნდელი და მწვრთნელი გოგა ბითაძეზე საუბრობენ [VIDEO]
Forbes: ბითაძე შრომისმოყვარეობითა და საბაზისო უნარ-ჩვევებით ყველა თანატოლს სჯობია
![გოგას ორმაგი დუბლი და დეჟანტე მარის ბაზერ ბითერი - "ატლანტამ" "ორლანდოს" ბოლო წამებზე მოუგო [VIDEO]](/pictures/image7/787d7db178e4c64ed75b7fccefadd5f4.jpg "გოგას ორმაგი დუბლი და დეჟანტე მარის ბაზერ ბითერი - \"ატლანტამ\" \"ორლანდოს\" ბოლო წამებზე მოუგო [VIDEO]")
![ბითაძის 29 წუთი და "ორლანდოს" გამარჯვება "ნიუ იორკ ნიქსთან" [VIDEO]](/pictures/image7/b9ed611581d6d705b082b00d3497c588.jpg "ბითაძის 29 წუთი და \"ორლანდოს\" გამარჯვება \"ნიუ იორკ ნიქსთან\" [VIDEO]")
![ბითაძის 16 წუთი - "ორლანდო" "მინესოტასთან" დამარცხდა [VIDEO]](/pictures/image7/9d5912e3a2aca34b363adbd1bf2ae72e.jpg "ბითაძის 16 წუთი - \"ორლანდო\" \"მინესოტასთან\" დამარცხდა [VIDEO]")
![ბითაძის ორმაგი დუბლი - "ორლანდომ" "ატლანტა" დაამარცხა [VIDEO]](/pictures/image7/8b94e1068cf6121efc03ffed2b876277.jpg "ბითაძის ორმაგი დუბლი - \"ორლანდომ\" \"ატლანტა\" დაამარცხა [VIDEO]")
