ლიგა ენდესას ფინალური ეტაპის A ჯგუფის მეორე ტურში თორნიკე შენგელიას "ბასკონიამ" გიორგი შერმადინის "იბეროსტარი" 79:72 დაამარცხა.
ქართველები პარკეტზე საუკეთესოები იყვნენ:
შენგელიამ 31 წუთში 21 ქულა (10-დან 7 ორქულიანი, 1-დან 1 სამქულიანი, 4-დან 4 საჯარიმო), 6 მოხსნა და 7 პასი მიითვალა, მისი მარგი ქმედების კოეფიციენტი 34 გახლდათ და მატჩის MVP გახდა.
შერმადინმა 26:38 წუთში 18 ქულა (13-დან 7 ორქულიანი, 4-დან 4 საჯარიმო), 11 მოხსნა, 1 დაფარება და 1 ჩაჭრა მიითვალა, მისი სარგებლიანობის კოეფიციენტი კი 23 იყო და ამ მაჩვენებლით მხოლოდ თანამემამულეს ჩამორჩა. შეხვედრაში ორმაგი დუბლი მხოლოდ მან შეასრულა.
2 ტურის შემდეგ "ბასკონია" 2 მოგებით ჯგუფს "ბარსელონასთან" ერთად ლიდერობს, ხოლო "იბეროსტარი" უქულოდაა.
21 ივნისს ლიდერების მატჩია - "ბასკონია" - "ბარსელონა". იმავე დღეს "იბეროსტარი" ასევე უქულოდ მყოფ "ბილბაოს" დაუპირისპირდება.
![შერმადინის 21 ქულა - "ტენერიფე" ჩემპიონთა ლიგის ფინალში გავიდა [VIDEO]](/pictures/image7/17a2a2c408ace74e152d3af47309c69c.jpg "შერმადინის 21 ქულა - \"ტენერიფე\" ჩემპიონთა ლიგის ფინალში გავიდა [VIDEO]")
!["ვირტუსმა" "რეჯინა" ბრძოლაში დაამარცხა, შენგელია კი მატჩის MVP გახდა [VIDEO]](/pictures/image7/e124a4149e6cdf70d082fa0cc70c9170.jpg "\"ვირტუსმა\" \"რეჯინა\" ბრძოლაში დაამარცხა, შენგელია კი მატჩის MVP გახდა [VIDEO]")
