ესპანეთის ჩემპიონატის ფინალური ეტაპის A ჯგუფის მეოთხე ტურში თორნიკე შენგელიას "ბასკონიამ" დრამატულ ბრძოლაში "უნიკახა" ოვერტაიმში 87:86 დაამარცხა.
პირველი ტაიმი ბასკურმა გუნდმა 9 ქულით მოიგო, მაგრამ მესამე მეოთხედი მალაგელებმა უკეთ ჩაატარეს და დაწინაურდნენ. ძირითადი დროის დასრულებამდე 1:30 წუთით ადრე "უნიკახა" 5 ქულით წინ იყო, მაგრამ მოპოვებული უპირატესობის შენარჩუნება ვერ შეძლო - შენგელია, რომელსაც მარჯვენა კოჭ-წვივის ტრავმა აქვს, პარკეტზე დაბრუნდა და ბოლო შეტევისას მეტოქეს სროლისას ბურთზე დაუფარა. ოვერტაიმში კი ვიტორიელებმა იმარჯვეს.
შენგელიამ 27:03 წუთში 9 ქულა (12-დან 3 ორქულიანი,
3-დან 0 სამიანი, 6-დან 3 საჯარიმო), 4 მოხსნა, 7 პასი და 1 დაფარება მიითვალა, ხოლო მისი სარგებლიანობის კოეფიციენტი 5 იყო.
"ბასკონია" 3 მოგებით ჯგუფში მეორე ადგილზეა, 25 ივნისს "ხუვენტუდს" შეხვდება და გამარჯვების შემთხვევაში პლეი-ოფში გავა.
![alt](/pictures/image50/9fc2c636c8cf9f30f76ba8d962620699.jpg "შენგელიას "ბასკონიამ" თითქმის წაგებული მატჩი მოიგო და პლეი-ოფს მიუახლოვდა")
შენგელია? შენგელია? შენგელია? - გომელსკის კონფერენციაზე კითხვები დააყარეს![alt](/pictures/image50/b9105fefe3a91f9236881bd028e1ec70.jpg "შენგელიას "ბასკონიამ" თითქმის წაგებული მატჩი მოიგო და პლეი-ოფს მიუახლოვდა")
შენგელიას 12 ქულა და "ბასკონიას" მარცხი "ბარსელონასთან"
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
