გიორგი შერმადინი ესპანური ლიგის საუკეთესო ცენტრია. ტენერიფეს ქართველმა ლეგიონერმა სეზონის საუკეთესო ხუთეულში ცენტრის ადგილი დაიკავა, დანარჩენი პოზიციები კი ამ გამორჩეულმა მოთამაშეებმა შეავსეს: ფაკუნდო კამპაცო (რეალი, გამთამაშებელი), კლემენ პრეპელიჩი (ხუვენტუდი, მსროლელი), ალექს ბუტილი (უნიკახა, მსუბუქი ფორვარდი), ნიკოლა მიროტიჩი (ბარსელონა, მძიმე ფორვარდი). აღსანიშნავია, რომ შერმადინმა უკვე მეორედ მოიპოვა ესპანური ლიგის საუკეთესო ხუთეულში ადგილი. ეს მან პირველად 2016-2017 წლების სეზონში მოახერხა, როცა "ანდორაში" თამაშობდა.
საუკეთესო ხუთეულიგამოკითხვის შედეგად გამოვლინდა, რომელშიც გულშემატკივრები, ჟურნალისტები და თავად მოთამაშეები მონაწილეობდნენ. ყველა მოთამაშე 3 პოზიციად იყო დაყოფილი: გამთამაშებლები, მსუბუქი
მსუბუქ ფორვარდებში კამპაცომ მარსელინიო ჰუერტასს აჯობა, პრეპელიჩმა და ბუტილმა ადამ ჯანგას და ალბერტო აბალდეს გადაასწრეს. რაც შეეხებათ მძიმე ფორვარდებს, მიროტიჩმა და შერმადინმა გამოკითხვაში თორნიკე შენგელიას და ვალტერ ტავარეშს აჯობეს. მცირე სხვაობა იყო ქართველებს შორის: შერმადინმა 55 პროცენტი მიიღო, შენგელიამ კი – 40.
შესაბამისად, თორნიკე შენგელია ესპანური ლიგის მეორე ხუთეულში შევიდა. თორნიკესთან ერთად ხუთეულში ადგილები დაიკავეს: მარსელიონიო ჰუერტასი (ტენერიფე), ალბერტო აბალდე (ვალენსია), ადამ ჰანგა (ბარსელონა) და ვალტერ ტავარეში (რეალი).
ხუთეულებთან ერთად, ცხადია, გამოვლინდა სეზონის საუკეთესო მოთამაშეც, რომელიც გახდა ბარსელონელი ნიკოლა მიროტიჩი.
ესპანური ლიგის სიმბოლურ სუთეულში მოხვედრის შესახებ გიორგი შერმადინმა საქართველოს კალათბურთის ფედერაციის ვებ-გვერდთან კომენტარი გააკეთა:
"ესპანური ლიგის საუკეთესო ხუთეულში მოხვედრა ძალიან მნიშვნელოვანი მიღწევაა როგორც ჩემთვის, ისე ყველა ამ ტიტულის მფლობელისთვის. აღნიშნული გამოკითხვის შესახებ ყველამ იცოდა და მოთამაშეები, რომლებიც ფიქრობდნენ, რომ საუკეთესოთა შორის იმსახურებდნენ ადგილს, მოუთმენლად ელოდნენ შედეგების გამოქვეყნებას. დღეს, დილას გავრცელდა ინფორმაცია, რომ გამოკითხვის შედეგად ლიგის MVP და სიმბოლური პირველი და მეორე ხუთეულები გამოვლინდნენ. ძალიან გასახარია, რომ ორივე ხუთეულში ქართველები მოვხვდით, რასაც ყველა ჩვენს ქომაგს, ქართველს თუ არაქართველს, გულითადად ვულოცავ. თორნიკე შენგელიას ძალიან კარგი სეზონი ჰქონდა და ის პირველ ხუთეულში მოხვედრას იმსახურებდა. მოხარული ვარ, რომ ეს ტიტული მეორედ მოვიგე. სამწუხარო მხოლოდ ისაა, რომ კორონავირუსის შემდეგ განახლებული ფინალური ფაზის თაამშებში ვერ ვიყოჩაღეთ. "ტენერიფემ" საწყისი 2 მატჩი წააგო და ნახევარფინალში გასვლის შანსი დაკარგა. სამაგიეროდ, სასიახულოა, რომ ნახევარფინალშია თორნიკე შენგელიას "ბასკონია", რომელიც "ვალენსიას" ხვდება და იმედი მაქვს, ფინალში გასვლასაც მოახერხებს."
შენგელიამ მიმდინარე სეზონში ესპანეთის რეგულარუსლი ჩემპიონატის 23 მატჩში მიიღო მონაწილეობა და მისი საშუალო მაჩვენებლები ასე გამოიყურება: 32:55 წუთი, 16.6 ქულა, 6.3 მოხსნა, 2.7 პასს, 1.4 ჩაჭრა, 0.3 დაფარება, ხოლო სარგებლიანობის კოეფიციენტი – 19.6. თავის მხრივ, 22 მატჩში შემდეგი საშუალო მაჩვენებლები აქვს შერმადინს: 26:44 წუთი, 18.3 ქულა, 7.1 მოხსნა, 1.5 პასი, 0.6 ჩაჭრა, 0.5 დაფარება, სარგებლიანობის კოეფიციენტი 23.7.
მომზადებულია GBF.GE-ის მიხედვით
შერმადინის 13 ქულა - "იბეროსტარი" პლეი-ოფს მიღმა დარჩა [VIDEO]
"ეგ პარკეტზე გააკეთე, გაიგე?!" - "ბასკონიას" მწვრთნელმა შენგელიას უყვირა [VIDEO]
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
