მოსკოვის ცსკა-ს ახალწვეულმა თორნიკე შენგელიამ სოციალურ ქსელ "ინსტაგრამში" ემოციური წერილი გამოაქვეყნა და ვიტორიის "ბასკონიას" დაემშვიდობა.
"არც კი ვიცი, საიდან დავიწყო. მგონია, რაც უნდა ვთქვა, მთლიანად მაინც ვერ ასახავს ჩემს დამოკიდებულებას კლუბის, ქალაქისა და ადამიანების მიმართ!
პირველივე დღიდან გულთბილად მიმიღეთ, ერთ-ერთ თქვენგანად მაგრძნობინეთ თავი. მე და ჩემმა ოჯახმა უდიდესი სიყვარული და პატივისცემა მივიღეთ თქვენგან და გულითადად გიხდით მადლობას, რადგან ამ ხნის განმავლობაში თავი სახლში გვაგრძნობინეთ.
ყოველთვის ერთადერთი რამ მინდოდა: ვყოფილიყავი უდიდესი ისტორიის მქონე კლუბის წევრი, სიყვარული და პატივისცემა საკალათბურთო პარკეტზე დამებრუნებინა.
ასევე, უდიდესი მადლობა მინდა გადავუხადო ყველა მწვრთნელსა და მოთამაშეს, რომელთან ერთადაც ამ 6 წლის განმავლობაში მომიწია მუშაობა. თქვენ სამუდამოდ იქნებით ჩემს გულში!
ჩემი ოჯახი ბედნიერია იმით, რომ მეგობრები კალათბურთის მიღმაც შევიძინეთ, ბრწყინვალე ადამიანები, რომლებიც, როგორც შეეძლოთ, ყველანაირად გვეხმარებოდნენ. დიდი მადლობა თქვენ ყველაფრისთვის!
ყველა წარუმატებლობასა და პრობლემას ერთად ვხვდებოდით... მხოლოდ მხიარულებისა და სიამაყის განცდა დამრჩა!
მივდივარ, თუმცა მშვიდად ვარ, რადგან ვიცი, რომ აქ მაქვს სახლი, მყავს ადამიანები, ვისაც ვუყვარვარ და იციან, რომ ჩემს სულსა და გულს გავიღებ მათ გამო!
ყველაფრისთვის მადლობა, ვიტორია! უდიდესი მადლობა "ბასკონია"! დიდი მადლობა თქვენ, ჩემო ადამიანებო!" - დაწერა თოკომ.
![alt](/pictures/image50/1fec32be278262ecb45e1e0c28901463.png "არ ვიცი საიდან დავიწყო - შენგელია "ბასკონიას" დაემშვიდობა")
"ბედნიერი ვარ აქ გადმოსვლით" - თორნიკე შენგელია ცსკა-ს კალათბურთელია!![alt](/pictures/image50/b46993e9b03a4c9df162719c4b5c0599.jpg "არ ვიცი საიდან დავიწყო - შენგელია "ბასკონიას" დაემშვიდობა")
NBA-ში გადასვლას ცსკა ხელს ვერ შეუშლის - შენგელიას ტრანსფერის დეტალები ცნობილია![alt](/pictures/image50/fa1077ca8c3ef13a3aa1c0ec3927526c.jpeg "არ ვიცი საიდან დავიწყო - შენგელია "ბასკონიას" დაემშვიდობა")
ცსკა-ს მწვრთნელი: შენგელიას ჩვენთან თამაში ძალიან უნდოდა და როგორც იქნა, ხელში ჩავიგდეთ
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
