გიორგი შერმადინის "ტენერიფე" ბექა ბურჯანაძის "გრან კანარიას" დაუპირისპირდა.
"ტენერიფე" შესანიშნავ ფორმაშია. მათ ბოლო 5 მატჩიდან 4-ში გამარჯვება მოიპოვეს და ესპანეთის ჩემპიონატში დამსახურებულ, მე-2 ადგილს იკავებენ, რასაც ვერ ვიტყვით "გრან კანარიაზე", ბექას გუნდი მე-17 ადგილზეა და უჭირთ მატჩების მოგება.
გუშინდელ მატჩს რაც შეეხება, მასპინძლებმა პირველი ტაიმი 13 ქულით, 43:30 მოიგეს, ხოლო საბოლოო ანგარიში 99:80-ია.
შერმადინმა 23:49 წუთში 14 ქულა, 7 მოხსნა და 4 გადაცემა მიითვალა.
ბურჯანაძის ანგარიშზე შედარებით მოკრძალებული სტატისტიკაა. ქართველმა კალათბურთელმა 14 წუთი დაჰყო მოედანზე, რა დროშიც 7 ქულა და 2 მოხსნა მოუტანა გუნდს.
მომდევნო მატჩს "ტენერიფე" "ვალენსიასთან" ჩაატარებს. მატჩი 22 ნოემბერსაა ჩანიშნული. რაც შეეხება "გრან კანარიას", ისინი "მორანბანკ ანდორას" დაუპირისპირდებიან. მატჩი 21 ნოემბერს დაიწყება.
"ტენერიფემ" "მანრესას" სტუმრად მოუგო, შერმადინი ისევ საუკეთესოა
