გიორგი შერმადინის „ტენერიფემ“ ესპანეთის საკალათბურთო ჩემპიონატში მე-14 მატჩი ბასკეთში „ბასკონიას“ წინააღმდეგ გამართა. მანამდე კუნძულელებს მხოლოდ ერთი შეხვედრა ჰქონდათ წაგებული. მოგებათა ხუთმატჩიანი სერია ქალაქ ვიტორიაში შეწყდა – „ბასკონიამ“ „ტენერიფე“ 79:72 დაამარცხა.წაგების ერთ-ერთ მთავარ მიზეზად შერმადინის გუნდის ლიდერის, გამთამაშებელ მარსელინიო უერტასის არყოფნა შეიძლება დასახელდეს. მის გარეშე გუნდს თამაშის დალაგება გაუჭირდა.
გიორგი შერმადინმა 20 წუთში 6 ქულა, 8 მოხსნა და 1 პასი მოაგროვა. მატჩის ბომბარდირობა კი ორმა ბასკონიელმა გაინაწილა – ზორან დრაგიჩმა და გიედრაიტისმა 15-15 ქულა ჩააგდეს.
„ტენერიფე“ 14 ტურის შემდეგ 12
მოგებით ესპანეთის ჩემპიონატში მეორე ადგილზეა. პირველზეა დაუმარცხებელი „რეალი“.
GBF.GE
![alt](/pictures/image50/5b8183a4c2112e093d42f402cb95a413.jpg "შერმადინის "ტენერიფე" "ბასკონიამ" შეაჩერა")
შერმადინის 16 ქულა, სალინის 8 სამქულიანი და "ტენერიფეს" გამარჯვება თურქეთში
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
