წარმატებით დაიწყო ფიბას ჩემპიონთა ლიგის მეორე ჯგუფური ეტაპი გიორგი შერმადინის “ტენერიფემ”. ესპანური კლუბი სარაევოში “იგოკეას” შეხვდა და 20 ქულის სხვაობით – 82:62 დაამარცხა. ქართველი ცენტრი მატჩის საუკეთესო მოთამაშე გახდა. როგორც მიმდინარე სეზონის უმეტეს მატჩში, შერმადინი ამჯერადაც ყველაზე სარგებლიანი იყო და MVP-ის ტიტულიც ალალად დაიმსახურა.შეგახსენებთ, რომ ფიბას ჩემპიონთა ლიგის პირველ ეტაპზე ტენერიფელებმა 4-გუნდიან ჯგუფში პირველი ადგილი დაიკავეს და იმ 16 საუკეთესოს შორის მოხვდნენ, რომლებიც მეორე ეტაპისთვის 4 კალათაში განაწილდნენ. შერმადინის გუნდის მეტოქეები დღეს დამარცხებულ “იგოკეასთან” ერთად არიან რიგის ვეფ-ი და
შერმადინმა მოედანზე 26:21 წუთი გაატარა და 17 ქულა, 4 მოხსნა, 5 პასი და 2 ჩაჭრა მიითვალა. გიორგიმ 11-დან 7 ორქულიანი და 4-დან 3 საჯარიმო ჩააგო, მისმა სარგებლიანობის ინდექსმა კი ორივე გუნდში უმაღლესი ნიშნული – 23 შეადგინა.
მომდევნო ტურში, 9 მარტს, ტენერიფელები ესპანეთის ქალაქ ბურგოსში ჩავლენ და თად მაკფადენის გუნდს დაუპირისპირდებიან.
GBF.GE
![alt](/pictures/image50/dd7eb643f1292ca9718f73dfcb94db51.jpg ""ტენერიფეს" გამარჯვება ბოსნიაში და შერმადინის მორიგი MVP-ის ტიტული")
შერმადინის 19 ქულა, MVP-ის ტიტული და იოლი გამარჯვება სტუმრად ობრადორიოსთან
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
