კიდევ ერთი გამოჯანმრთელებული ლეგიონერი საქართველოს ეროვნული ნაკრებისთვის. ტრავმირებული თორნიკე შენგელიას შემდეგ მოედანს დაუბრუნდა გიორგი შერმადინიც. ორივე მათგანმა ოქტომბრის დასაწყისში მიიღო ტრავმა და თავდაპირველად მათი სანაკრებო მატჩებამდე გამოჯანმრთელება სათუო იყო, თუმცა ჯერ შენგელია, ხოლო დღეს შერმადინიც დაუბრუნდა მოედანს, რაც იმას ნიშნავს, რომ არც ერთი მათგანი შეზღუდული არ არის, ნაკრებს დაეხმაროს.შერმადინი “ტენერიფეს” ესპანეთის ჩემპიონატის მე-9 ტურში დაუბრუნდა, თავისი ყოფილი კლუბის, “ანდორას” წინააღმდეგ მატჩში. მასპინძელი შერმადინის გუნდი იყო, რომელმაც შეხვედრა 79:70 მოიგო. შერმადინმა 17 წუთი ითამაშა და 3 ქულას 5 მოხსნა მიამატა.
შერმადინის გუნდს 9 ტურის შემდეგ 6 მოგება აქვს და სატურნირო ცხრილში სამ გუნდთან ერთად მესამე-მეხუთე ადგილებს ინაწილებს.
GBF.GE
ტრავმის გამო შერმადინი "რეალთან" ვერ ითამაშებს
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
