ევროლიგის 22-ე ტურში მილანის "ოლიმპია" მოსკოვის ცსკას ესტუმრა და 10 ქულიანი უპირატესობით, 67:57 დაამარცხა.
მასპინძელთა შემადგენლობიდან თორნიკე შენგელია გამოირჩა, რომელმაც თავი 13 ქულით, 7 მოხსნით, 2 შედეგიანი გადაცემითა და 1 ჩაჭრით გამოიჩინა.
ქართველს მხარი იფე ლუნდბერგმა აუბა, რომელმაც 15 ქულა, 4 მოხსნა, 2 შედეგიანი გადაცემა და ამდენივე ჩაჭრა დააგროვა.
სტუმართა მხრიდან დეივონ ჰოლმა და ტროი დენიელსმა თანაბარი 13-13 ქულა მიითვალეს.
კაილ ჰაინსმა გუნდს 13 ქულა, 4 მოხსნა, 1 შედეგიანი გადაცემა და 3 დაფარება შესძინა.
ამრიგად, ცსკა 12 მოგებითა და 8
წაგებით მიმდინარე გათამაშებაში მე-7 ადგილს იკავებს, მომდევნო შეხვედრას 28 იანვარს, ყაზანის "უნიქსის" წინააღმდეგ გამართავს.
იტალიელები 13 გამარჯვებითა და 6 მარცხით მე-3 პოზიციაზე იმყოფებიან, შემდეგ მატჩში კი (იმავე 28 იანვარს), "კაუნასის ჟალგირისის" დაუპირისპირდებიან.
![შენგელიას 21-მა ქულამ "ვირტუსს" "მილანში" ვერ უშველა [VIDEO]](/pictures/image7/af5a0e0b1ea8ee426abd835c72304a77.jpeg "შენგელიას 21-მა ქულამ \"ვირტუსს\" \"მილანში\" ვერ უშველა [VIDEO]")
![შენგელია "პანათინაიკოსთან" საუკეთესო იყო და ევროლიგაში 3000-ქულიანი ბარიერიც დაძლია [VIDEO]](/pictures/image7/a7a9270370e48a61d75653cb115da7ff.jpg "შენგელია \"პანათინაიკოსთან\" საუკეთესო იყო და ევროლიგაში 3000-ქულიანი ბარიერიც დაძლია [VIDEO]")
