თორნიკე შენგელიას "ვირტუს ბოლონია" ახალ წელს ამაღლებულ ნოტაზე ხვდება. ბოლონიელებმა ევროლიგის მორიგი ტურის მატჩში შინ, დაძაბულ ბრძოლაში, 92:88 დაამარცხეს თურქული "ფენერბაჰჩე" და ამ მატჩში დამატებით კარგი ფაქტი დაფიქსირდა. თორნიკე შენგელიას მიერ მოხსნილი მე-2 ბურთი ევროლიგაში რიგით მე-1000 გამოდგა.ქართველი ლეგიონერი სასტარტო ხუთეულში იყო და მოედანზე მთლიანობაში 22:31 წუთი გაატარა, რა დროშიც 11 ქულა, 2 მოხსნა და 3 შედეგიანი გადაცემა მიითვალა. შენგელიამ 10-დან 4 ორქულიანი და 1 სამანი ჩააგდო, 1 საჯარიმო კი ააცილა. თორნიკემ 1 ჯარიმა მიიღო და ბურთი 2-ჯერ დაკარგა,
საუკეთესო შედეგი 36 წლის მარკო ბელინელიმ დააფიქსირა, რომელმაც 18 ქულა მიითვალა. ამ მოგებით, რომელიც 16 მატჩიდან მეშვიდეა, ბოლონიელები 18-გუნდიან ევროლიგაში მე-13 ადგილზე აღზევდნენ. მომდევნო მატჩს "ვირტუსი" 5 იანვარს, კატალონიაში, "ბარსელონასთან" გამართავს.
GBF.GE
შენგელიას ორმაგი დუბლი "პესაროსთან" ოვერტაიმში მოგებულ შეხვედრაში
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
