ევროლიგის 32-ე ტურში თორნიკე შენგელიას "ვირტუსი" "ეფესს" ესტუმრა და 67:86 დამარცხდა.
ქართველმა კალათბურთელმა მოედანზე 18 წუთი დაჰყო, რა დროშიც 3 ქულა, 3 მოხსნა, 3 შედეგიანი გადაცემა და 1 ჩაჭრა მიითვალა.
ბოლონიელთა შემადგენლობიდან ნიკო მანიონი გამოირჩა, რომელმაც 17 ქულა, 3 მოხსნა, 6 შედეგიანი გადაცემა და 1 ჩაჭრა დააგროვა.
მასპინძელთა მხრიდან ანტე ზიზიჩმა თავი 24 ქულით, 6 მოხსნით, 1 შედეგიანი გადაცემითა და ამდენივე ჩაჭრით გამოიჩინა.
ამრიგად, "ვირტუსი" 13 მოგებითა და 19 წაგებით მე-14 ადგილს იკავებს, შემდეგ შეხვედრას კი 6 აპრილს, "ვალენსიასთან" ჩაატარებს.
"ეფესი" 16 გამარჯვებითა და ამდენივე მარცხით მე-10 პოზიციაზეა, იმავე 6 აპრილს კი "ფენერბაჰჩეს" შეხვდება.
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
