ევროლიგის მერვე ტურში თორნიკე შენგელიას „ვირტუსმა“ საკუთარ მოედანზე „მილანი“ 86:79 დაამარცხა.
შენგელიამ 28:23 წუთში 14 ქულა (8-დან 5 ორქულიანი, 3-დან 1 სამქულიანი, 2-დან 1 საჯარიმო), 6 მოხსნა, 4 პასი და 2 ჩაჭრა მიითვალა, ბურთი 2-ჯერ დაკარგა, მისმა მარგი ქმედების კოეფიციენტმა კი 20 შეადგინა.
19 ქულით და სარგებლიანობის 28-იანი კოეფიციენტით მატჩის MVP თორნიკეს თანაგუნდელი გაბრიელ ლუნდბერგი გახდა, რომელმაც მეოთხე მეოთხედში საუცხოოდ ითამაშა. სხვათა შორის, დანიელს წინა ორ შეხვედრაში ქულა არ ჰქონდა აღებული.
21 ქულით მატჩის ყველაზე შედეგიანი კალათბურთელი მილანელი შეივონ შილდსი
გახდა.
„ვირტუსი“ 6 მოგებით მესამე ადგილზეა და 17 ნოემბერს ათენში „პანათინაიკოსს“ დაუპირისპირდება.
შენგელიას ზეშედეგიანი მატჩი სერია A-ში, მორიგი გამარჯვება და MVP-ის ტიტული
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
