გიორგი შერმადინის "ლენოვო ტენერიფემ" ფიბას ჩემპიონთა ლიგაში მარცხი განიცადა. შერმადინს თავი არ შეურცხვენია და ტენერიფელთაგან ერთ-ერთი საუკეთესოც იყო, თუმცა გუნდმა თამაში ჩააგდო. ნომინალურმა მასპინძელმა – იერუსალიმის "ჰაპოელმა", შეხვედრა 85:61 მოიგო. ისრაელში მიმდინარე შეიარაღებული კონფლიქტის გამო ებრაული გუნდები საშინაო მატჩებს ევროპაში თამაშობენ. ამიტომაც, "ჰაპოელმა" "ტენერიფეს" სერბეთის დედაქალაქ ბელგრადში უმასპინძლა, სადაც მატჩს საქართველოს ეროვნული ნაკრების ახალი მთავარი მწვრთნელი, სერბი სპეციალისტი ალეკსანდარ ჯიკიჩი დაესწრო. ჯიკიჩი სწორედ იერუსალიმის "ჰაპოელის" მწვრთნელი იყო, სანამ იანვრის დასაწყისში ებრაულ გუნდს დატოვებდა და საქართველოს ეროვნულ ნაკრებს ჩაიბარებდა.
შერმადინი სასტარტო
2 მოგებითა და 1 მარცხით "ტენერიფე" ჩემპიონთა ლიგის მე-2 ჯგუფურ ეტაპზე თავის ჯგუფში მე-2 ადგილზეა. პირველზე 3-დან 3 მოგების მქონე "ჰაპოელია". მომდევნო მატჩს "ტენერიფე" კვლავ "ჰაპოელთან", ესპანეთში, 6 მარტს გამართავს.
GBF.GE
![alt](/pictures/image50/f3ff0bd32f5859144e3ef2a54f98bf4e.jpg "შერმადინის "ტენერიფემ" ბელგრადში იერუსალიმის "ჰაპოელთან" წააგო")
შერმადინი "ტენერიფეს" "ბასკონიას" დამარცხებაში დაეხმარა
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
