ბერძნული sportdog-ი იტყობინება, რომ გოგა ბითაძემ (ორლანდო მეჯიქი) და სანდრო მამუკელაშვილმა (სან ანტონიო), რომელთაც თავიანთ კლუბებთან კონტრაქტები უსრულდებათ, არაა გამორიცხული, კარიერა ევროპაში გააგრძელონ.
გამოცემა აღნიშნავს, რომ "პანათინაიკოსი" წარმატებულ სეზონს ატარებს, ევროლიგის ოთხთა ფინალისთვის ემზადება, მომავალი სეზონისთვის შემადგენლობის გაძლიერებაზე აქედანვე ზრუნავს და სხვა კალათბურთელებთან ერთად ქართველების სამსახურით დაინტერესდა:
"რა თქმა უნდა, სიაში აშშ-ში მოასპარეზენიც არიან, მაგალითად, ქართველი ცენტრი გოგა ბითაძე. ის ზაფხულში NBA-ს დატოვებს და ამის თაობაზე "მწვანეებმა" კარგად იციან. აგრეთვე, სანდრო მამუკელაშვილი - 24 წლის და 2.06 მეტრი სიმაღლის ცაციას
"მომაკვდინებელი სროლა" აქვს (მე-3 და მე-4 ნომრის პოზიციებზე შეუძლია თამაში) და კლუბთან ხელშეკრულება უმთავრდება. მას G ლიგაშიც უწევდა თამაში.
"პანათინაიკოსი" "მამუთი" (როგორც აშშ-ში უწოდებენ) გასული წლის ზაფხულშიც იყო დაინტერესებული, მაგრამ ევროპაში დაბრუნება არ მოისურვა. წყარო ირწმუნება, რომ დიდი ალბათობით, ეს 2024 წლის ზაფხულში მოხდება. თუ ასეთი გადაწყვეტილება მიიღო, ათენურ კლუბს მის ხელში ჩასაგდებად ნებისმიერ შემთხვევაში ევროლიგის გუნდების უმეტესობასთან ბრძოლა მოუწევს, რამეთუ საუბარია ათლეტურ და მოძრავ კალათბურთელზე".
კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]
"ჩიკაგოსთან" ოვერტაიმში მოგებულ მატჩში ბითაძეს 14 წუთი დაუთმეს
![ბითაძე სასტარტო ხუთეულში დაბრუნდა, ქართველს ორმაგ დუბლამდე ცოტა დააკლდა [VIDEO]](/pictures/image7/b824e9dbaa7f3709088e9b44c6d3c864.png "ბითაძე სასტარტო ხუთეულში დაბრუნდა, ქართველს ორმაგ დუბლამდე ცოტა დააკლდა [VIDEO]")
![მამუკელაშვილის სეზონის საუკეთესო მატჩი - "სან ანტონიო სპურსმა" "იუტა ჯაზი" დაამარცხა [VIDEO]](/pictures/image7/809e6ab642ef7f39174e0976f458e9c7.jpg "მამუკელაშვილის სეზონის საუკეთესო მატჩი - \"სან ანტონიო სპურსმა\" \"იუტა ჯაზი\" დაამარცხა [VIDEO]")
ნბა რა თქმა უნდა ნბაა,მაგრამ თუ გადმოვლენ ნაკრებში თამაშს ყოველთვის შეძლებენ და აღარ მოწევთ თამაშების გამოტოვება