თორნიკე შენგელიას პირადი დამსახურებითა და ლიდერობით, "ვირტუსმა" სტუმრად "ვენეცია" დაამარცხა და იტალიის სერია A-ს ფინალში გავიდა. ბოლონიურმა კლუბმა ვენეციელები სერიაში 3:1 დაამარცხა და ჩემპიონობისთვის ფინალში "ოლიმპია მილანოს" შეხვდება.
სერიის გადამწყვეტ შეხვედრაში ქართველი ფორვარდი შეუჩერებელი იყო. შენგელიამ 29 ქულა ჩააგდო, რითაც იტალიის ჩემპიონატში პირადი რეკორდი დაამყარა. საწყისი პერიოდის წაგების შემდეგ ბოლონიელებმა საოცარი მეორე პერიოდი ჩაატარეს, რომელიც 34:18 მოიგეს და მეტოქე წელში გატეხეს. ვენეციელებმა მესამე პერიოდში ისევ გაიბრძოლეს და გადამწყვეტი ათწუთეულის წინ ჩამორჩენა 4 ქულამდე შეამცირეს, თუმცა შენგელიას შედეგიანი თამაშის წყალობით ვირტუსმა შანსი არ დაუტოვა მასპინძლებს და შეხვედრა 96:81 მოიგო.
შენგელია ტრადიციულად სასტარტოში იყო და მოედანზე 32 წუთი გაატარა, რა დროშიც 29 ქულა, 3 მოხსნა, 2 პასი და 1 ჩაჭრა დააგროვა. ქართველმა კალათბურთელმა 12-დან 8 ორქულიანი, 5-დან ერთი სამქულიანი და 14-დან 10 საჯარიმო ჩააგდო. რა თქმა უნდა, ქართველი ფორვარდი შეხვედრის MVP გახდა.
GBF
10:00 01-06-2024
შენგელია შეუჩერებელია - თოკომ "ვირტუსი" იტალიის თასის ფინალში გაიყვანა [VIDEO]
AutoSharing Option
ასევე დაგაინტერესებთ
![შენგელია ბოლონიელთაგან საუკეთესო იყო - "ვირტუსმა" ოვერტაიმში წააგო [VIDEO]](/pictures/image7/e5869ed7d689d5f1e45a497325b923a7.jpg "შენგელია ბოლონიელთაგან საუკეთესო იყო - \"ვირტუსმა\" ოვერტაიმში წააგო [VIDEO]")
![შენგელიას "ვირტუსმა" სერიის მე-2 მატჩი "ვენეციას" ბრძოლაში მოუგო და ფინალს მიუახლოვდა [VIDEO]](/pictures/image7/de9f552a23271b21984107efacca2147.jpg "შენგელიას \"ვირტუსმა\" სერიის მე-2 მატჩი \"ვენეციას\" ბრძოლაში მოუგო და ფინალს მიუახლოვდა [VIDEO]")
უძრავი ქონება
სიახლეები
პოპულარული
თამაშიდან მაინც იყო და სხვა თამაშისა არ გვანახეს)