გიორგი შერმადინის "ლაგგუნა ტენერიფე" ესპანეთის ჩემპიონატის ლიდერთა შორის გარია. ლიგა ენდესას მორიგ, მე-5 ტურში კანარულ დერბიში ტენერიფელებმა "გრან კანარიას" უმასპინძლეს და 10 ქულის სხვაობით – 84:74 დაამარცხეს.მასპინძლებმა 8-ქულიანი უპირატესობა პირველივე პერიოდში მოიპოვეს, რაც შეიძლება ითქვას, რომ გარდამტეხი გამოდგა, რადგან დარჩენილ დროში "ტენერიფემ" მეტოქეს მნიშვნელოვნად მიახლოების საშუალება არ მისცა და საბოლოოდ გამარჯვებაც მოახერხა.
შერმადინმა 16 წუთში 8 ქულა და 3 მოხსნა მიითვალა. ქართველმა ცენტრმა 3-დან 2 ორქულიანი და 5-დან 4 საჯარიმო ჩააგდო, ხოლო ერთხელ სამქულიანიც ისროლა, მაგრამ არაზუსტად.
"გრან კანარიაში"
"ტენერიფე" 3 მოგებით და 1 წაგებით მეხუთე პოზიციაზეა, მომდევნო ტურში კი, 3 ნოემბერს, ვალენსიას სტუმრად შეხვდება. "გრან კანარია" 3 გამარჯვებით და 2 მარცხით მეშვიდეა, ხოლო შემდეგ შეხვედრას 3 ნოემბერს, "ბასკონიასთან" ჩაატარებს.
GBF.GE
![alt](/pictures/image50/b70b5180560a27ef18c96e2cffc7d2bf.jpeg "შერმადინის 8 ქულა და "ტენერიფეს" გამარჯვება კანარულ დერბიში")
შერმადინის "ტენერიფემ" გრანადაში გამარჯვება იზეიმა
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
