თორნიკე შენგელია მოედანს დაუბრუნდა. ერთთვიანი პაუზის შემდეგ, რაც გამოწვეული იყო ჯანმრთელობის პრობლემის გამო, საქართველოს ეროვნული ნაკრების კაპიტანმა ევროლიგაზე ითამაშა. მისი გუნდი, "ვირტუს ბოლონია" კაუნასში "ჟალგირისს" შეხვდა და 68:77 დამარცხდა. ბოლონიელებმა პირველი მეოთხედი 12 ქულით დათმეს, რის შემდეგაც "ჟალგირისს" უპირატესობა ხელიდან აღარ გაუშვია და ლიეტუვის კლუბმა სეზონში მე-11 მატჩი მოიგო. შენგელია თამაშში სათადარიგოთა სკამიდან ჩაერთო და მოედანზე 23:16 წუთი გაატარა, რა დროშიც 12 ქულა, 7 მოხსნა და 3 პასი დააგროვა. საქართველოს ნაკრების კაპიტანმა 9-დან 4 ორქულიანი და 4-დან 4 საჯარიმო ჩააგდო.
GBF.GE
თორნიკე შენგელიას მოედანზე დაბრუნება 10 იანვარს დაიგეგმა
![შენგელიას 20 ქულა და 10 მოხსნა "ბრეშასთან" - თოკო ბრწყინვალე ფორმაშია [VIDEO]](/pictures/image7/6bb4200cf064126e2648639f8f296c86.jpg "შენგელიას 20 ქულა და 10 მოხსნა \"ბრეშასთან\" - თოკო ბრწყინვალე ფორმაშია [VIDEO]")
