დღეს დილით NBA-ს სუპერფინალის პირველი შეხვედრა გაიმართა. "ტორონტო რეპტორსმა" "გოლდენ სტეიტ უორიორს" უმასპინძლა და 9 ქულის სხვაობით დაამარცხა - 118:109.
ეს "რეპტორსის" ზედიზედ მე-5 გამარჯვება იყო. აქამდე "მილოუკის" 0:2-დან ამოუქაჩეს სერია და 4:2 მოუგეს.
"ტორონტო" მთელი მატჩის განმავლობაში წინ იყო. კანადელებმა 3 მეოთხედის მოგება მოახერხეს და მხოლოდ მე-3 მეოთხედში დამარცხდნენ 3 ქულით.
"რეპტორსის" რიგებში საუკეთესო პასკალ სიაკამი იყო. მძიმე ფორვარდმა 32 ქულა, 8 მოხსნა და 5 შედეგიანი გადაცემა მოაგროვა. კავაი ლეონარდმა 23 ქულა ჩააგდო, მოხსნებისა და პასების ოდენობა სიაკამის მსგავსად ჰქონდა. მარკ გასოლი გუნდს 20 ქულითა და 7 მოხსნით დაეხმარა. ფრედ ვანვლიითს 15 ქულა ჰქონდა, დენი გრინს - 11.
კალიფორნიელთა შემადგენლობაში საუკეთესო სტეფ კარი იყო. "გოლდენ სტეიტის" გამთამაშებელმა შეხვედრაში ყველაზე მეტი ქულა ჩააგდო - 34. სტეფმა ქულებს 5 მოხსნა და 5 შედეგიანი გადაცემაც დაამატა. კლეი ტომპსონმა 21 ქულა მიითვალა, ხოლო დრეიმონ გრინმა შეხვედრა სამმაგი დუბლითა და ლამაზი რიცხვებით დაასრულა: 40 წუთი, 10 ქულა, 10 მოხსნა, 10 შედეგიანი გადაცემა.
31 მაისი, ტორონტო, "სქოთიბენკ არენა"
ტორონტო-გოლდენ სტეიტი 118:109
(25:21, 34:28, 29:32, 30:28)
სერიაში - 1:0 "ტორონტოს" სასარგებლოდ.
შემდეგი შეხვედრა 3 ივნისს ისევ ტორონტოში გაიმართება. შეხვედრა თბილისის დროით 04:00 საათზე დაიწყება.
![მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]](/pictures/image7/6aa73e14496b5afe793a6369ddb40149.jpg "მსგავსს იშვიათად ნახავთ - ნიკოლა იოკიჩის დაუჯერებელი ტყორცნა და დამწუხრებული სტეფ კარი [VIDEO]")
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
![სტეფ კარის შოუ "საკრამენტოსთან" და "გოლდენ სტეიტის" პირველი გამარჯვება ახალ სეზონში [VIDEO]](/pictures/image7/59f32ea5ddea3ac357c7f11ccfe04a04.jpg "სტეფ კარის შოუ \"საკრამენტოსთან\" და \"გოლდენ სტეიტის\" პირველი გამარჯვება ახალ სეზონში [VIDEO]")
!["ლეიკერსმა" მაგარი თამაში ჩაატარა, "გოლდენ სტეიტი" დაამარცხა და ფინალში გავიდა [VIDEO]](/pictures/image7/623004260c10caf08939171d54eaba0f.jpg "\"ლეიკერსმა\" მაგარი თამაში ჩაატარა, \"გოლდენ სტეიტი\" დაამარცხა და ფინალში გავიდა [VIDEO]")
![სტეფ კარის ფენომენალური მატჩი და გამარჯვება "საკრამენტო კინგსთან" [VIDEO]](/pictures/image7/308cbd8fbaf118ea5d38ef923a50fdca.jpg "სტეფ კარის ფენომენალური მატჩი და გამარჯვება \"საკრამენტო კინგსთან\" [VIDEO]")
!["ფინიქსმა" "კლიპერსი" დაამარცხა და სერიაში ანგარიში გაათანაბრა [VIDEO]](/pictures/image7/eb44a522978e4a247e99e4810e61db99.jpg "\"ფინიქსმა\" \"კლიპერსი\" დაამარცხა და სერიაში ანგარიში გაათანაბრა [VIDEO]")
