"ინდიანას" პრეზიდენტი კევინ პრიტჩარდი დრაფტის შემდეგ პრესკონფერენციას დაესწრო და გოგა ბითაძეზე ისაუბრა.
შეგახსენებთ, რომ დრაფტზე ბითაძე მე-18 ნომრად სწორედ "ინდიანამ" აირჩია.
"გულწრფელად რომ გითხრათ, ვზივარ აქ და ვერ წარმომიდგენია, რომ გოგა მე-18 პიკამდე არავინ აირჩია", - თქვა პრიტჩარდმა.
"ჩვენ გვეგონა, რომ ის 18-მდე თავისუფალი არ იქნებოდა. ველოდით, რომ მას ტოპ-10-ში აირჩევდნენ. ვიცოდით გუნდი, რომელიც ამას აპირებდა, მაგრამ რაღაც შეიცვალა და საოცრად აღფრთოვანებულები ვართ".
პრიტჩარდი შეეხო იმ საკითხსაც, რომ გუნდში გოგას გარდა, კიდევ ორი ცენტრია:
"ყველა ამბობს, რომ რა საჭირო იყო
კიდევ ერთი ცენტრი, თუმცა ჩვენ ამას სხვანაირად ვუყურებთ. მაილსსაც და საბონისსაც შეუძლიათ 4 ნომრად თამაში და ამის ფონზე გოგას ძალიან კარგად შეუძლია ბლოკშოტების გაკეთება და ამ მახასიათებლითაც შესანიშნავად ჯდება ჩვენს სათამაშო სქემაში.
მე დავესწარი მის თამაშებს, სკაუტებიც ესწრებოდნენ, გამოვიყენეთ სტატისტიკა, ასევე რამდენიმე ანალიტიკური მიდგომა და შემიძლია ვთქვა, რომ ის დონჩიჩის შემდეგ საუკეთესო კალათბურთელი იყო ევროპაში. ბოლო 4-5 წლის განმავლობაში მისი მაჩვენებლები საუკეთესოების სტატისტიკასთან ძალიან ახლოსაა და განსაკუთრებით, კიდევ ერთხელ აღვნიშნავ ბლოკშოტების ნაწილს, რომელშიც გოგა შეუდარებელია და ბლოკშოტები კი, ჩვენი დაცვის მნიშვნელოვანი კომპონენტია".
ჟურნალისტი მარკ მონტიეთი მიიჩნევს, რომ გოგას შეუძლია ითამაშოს ტერნერსა და საბონისთან ერთად, რომლებიც როგორც ცენტრის, ისე მძიმე ფორვარდის პოზიციაზე თამაშობენ.
ლოგიკურად, გოგა მეორე ცენტრი იქნება, თუმცა მისი გაბარიტებისა და გამოცდილებიდან გამომდინარე, ბითაძე NBA-სთვის მზად არის.
პრეზიდენტს ჰკითხეს, თუ რა როლი ექნება გოგას შემდეგ სეზონში, მან კი უპასუხა:
"არც კი მეეჭვება, რომ მას მომავალ წელს თამაში შეუძლია. ლიგა, რომელშიც გამოდიოდა, კაცების ლიგაა და არა ბავშვების. ეს არ არის სახუმარო ლიგა, ის უკეთესია ვიდრე G-League. ის გაცილებით უფრო მაღალი დონეა, ვიდრე კარგი კოლეჯის გუნდი.
როგორც წესი, კალათბურთელი თუ ევროპაში კარგად თამაშობს, განსაკუთრებით, მოხსნებსა და ბლოკშტების კუთხით, ის ასევე კარგია ხოლმე NBA-ში.
გოგა უკეთესი მსროლელი ხდება, მას ძალიან კარგი მაჯა აქვს, მას შეუძლია ყველა კომპონენტში იყოს კარგი. გოგა საკმაოდ მაღალია და ფარს ზემოთ შეუძლია თამაში. ჩვენ კი ამას ძალიან ვაფასებთ".
"პეისერსის" პრეზიდენტმა აღნიშნა, თუ რატომ არის გოგას შემთხვევა განსხვავებული ისტორია და რატომ ელოდება, რომ ის წუთებს მიიღებს:
"როგორც წესი, დრაფტზე აყვანილი კალათბურთელები პლეი-ოფის კლუბებში არ თამაშობენ. მაგრამ ამ ბავშვის საკითხი სხვანაირად დგას. ის 16 წლიდან თამაშობს პროფესიონალურ გუნდში. მახსენდება ტონი პარკერი, რომელიც "სან ანტონიომ" აიყვანა. ის სწორედ ახალგაზრდული ასაკიდან თამაშობდა უფროსების კლუბში. იგივე შემთხვევა იყო ნიკლას ბატუმთან დაკავშირებით და მე ვფიქრობ, რომ გოგას შეუძლია მალე დაიწყოს თამაში.
მე მიმაჩნია, რომ ბოლო წლებში დრაფტზე აყვანილი კალათბურთელებიდან გოგას ყველაზე კარგად შეუძლია თამაში, რადგან ის კოლეჯიდან მოსული ბავშვი არაა."
პრესკონფერენციის ბოლოს კი კევინ პრიტჩარდმა მნიშვნელოვანი რამ თქვა:
"იცით რა, ვთვლი, რომ ბითაძეს გუნდში სათადარიგო ცენტრის როლზე უფრო მნიშვნელოვანი საქმის შესრულება შეუძლია. ის თამაშზე გავლენას 19 წლის ასაკში ახდენდა და მას ჩვენს თამაშზეც შეუძლია ზეგავლენის მოხდენა."
![alt](/pictures/image50/41bff1ba6901ce2f8f39044bdcf8415e.jpg ""ინდიანას" პრეზიდენტი: იცით რა, ვთვლი, რომ ბითაძეს...")
გოგა ბითაძის პირველი კომენტარი NBA-ს დრაფტზე არჩევის შემდეგ
![alt](/pictures/image50/2f6c120d2a47c5bd1c415e2e87b42f4f.jpg ""ინდიანას" პრეზიდენტი: იცით რა, ვთვლი, რომ ბითაძეს...")
"ინდიანას" მწვრთნელმა გოგა ბითაძესთან დაკავშირებით პირველი კომენტარი გააკეთა
![alt](/pictures/image50/2805adb74168f348732d89f6208c4cb7.jpg ""ინდიანას" პრეზიდენტი: იცით რა, ვთვლი, რომ ბითაძეს...")
გოგა ბითაძე NBA-ს დრაფტზე მე-18 ნომრად "ინდიანა პეისერსმა" აირჩია [VIDEO]
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
![ბითაძის 12 ქულა, 12 მოხსნა და "ორლანდოს" ზედიზედ მე-4 გამარჯვება [VIDEO]](/pictures/image7/a64b5a2c97d51333b7dd4bbc12acb694.jpg "ბითაძის 12 ქულა, 12 მოხსნა და \"ორლანდოს\" ზედიზედ მე-4 გამარჯვება [VIDEO]")
![ბითაძის მეორე ორმაგი დუბლი და "ორლანდოს" ზედიზედ მეორე გამარჯვება [VIDEO]](/pictures/image7/7f4aad491147e22f485203e4f400edf3.jpg "ბითაძის მეორე ორმაგი დუბლი და \"ორლანდოს\" ზედიზედ მეორე გამარჯვება [VIDEO]")
![ბითაძის ორმაგი დუბლი ყოფილ გუნდთან - "ინდიანა პეისერსმა" "ორლანდო მეჯიქი" დაამარცხა [VIDEO]](/pictures/image7/ca943054533dd4e51cfeb7007dd0a557.jpg "ბითაძის ორმაგი დუბლი ყოფილ გუნდთან - \"ინდიანა პეისერსმა\" \"ორლანდო მეჯიქი\" დაამარცხა [VIDEO]")
