გოგა ბითაძის "ინდიანა" ზედიზედ მეორედ დამარცხდა [VIDEO]

დღეს, 12 იანვარს, "საკრამენტომ" "ინდიანას" უმასპინძლა და 127:122 დაამარცხა. 

მასპინძელთა რიგებიდან საუკეთესო ჰარისონ ბარნსი გახლდათ, რომელმაც 38 წუთში 30 ქულა, 8 მოხსნა, 2 შედეგიანი გადაცემა და 1 ჩაჭრა დააგროვა. 

კარგი მატჩი ჩაატარა დეარონ ფოქსმაც, რომელმაც თავი 21 ქულას, 5 მოხსნას, 9 შედეგიან გადაცემას, 1 ჩაჭრას და ამდენივე დაფარებას მოუყარა. 

"მეფეების" სნაიპერმა ბადი ჰილდმა 11 ნასროლი სამქულიანიდან 6 ზუსტად მოათავსა. 

შესანიშნავად ითამაშა რიშონ ჰოლმსმაც, რომელმაც გუნდს 16 ქულა, 10 მოხსნა, 3 გადაცემა, 1 ჩაჭრა და 6 დაფარება მოუტანა. 

რაც შეეხება "ინდიანას", საუკეთესო კვლავაც ლიეტუველი ლიდერი დომანტას საბონისი გახლდათ, რომელმაც 40 წუთში 28 ქულა, 11 მოხსნა და 3 გადაცემა დააგროვა. 

კარგი მატჩი ჩაატარა მალკომ ბროგდონმაც, რომელმაც საკუთარ ანგარიშზე 24 ქულა, 4 მოხსნა, 9  შედეგიანი გადაცემა და 1 ჩაჭრა დააგროვა. 

შეგახსენებთ, გოგა ბითაძე ტრავმის გამო სეზონის სტარტს ტოვებს.

11 თამაშის შემდეგ 5 მოგებითა და 6 მარცხით "საკრამენტო" დასავლეთ კონფერენციაში მე-11 ადგილზე იმყოფება. რაც შეეხება "ინდიანას", ისინი 6 მოგებითა და 4 მარცხით აღმოსავლეთ კონფერენციაში მე-4 ადგილს იკავებენ.

მაკალუმის მატჩის მომგები სროლა! "ტორონტო" ზედიზედ მეორედ ბოლო წამებზე მარცხდება [VIDEO]