დღეს, 4 თებერვლის გამთენიისას, NBA-ს რეგულარული სეზონის მატჩში "ინდიანა პეისერსი" გასვლაზე "მილუოკი ბაქსს" დაუპირისპირდა და შეხვედრა 20-ქულიანი სხვაობით დათმო: 110:130.
დამარცხებულთა შორის პარკეტზე 12 წუთი გაატარა ქართველმა ცენტრმა გოგა ბითაძემ. ამ დროის განმავლობაში ახალგაზრდა კალათბურთელმა 6 ქულა (3/3), 5 მოხსნა და 2 (გუნდში საუკეთესო მაჩვენებელი) ბლოკი მიითვალა. მისი პარკეტზე ყოფნისას "ინდიანამ" მეტოქეზე 14 ქულით მეტი ჩააგდო, რაც გუნდში საუკეთესო სტატისტიკა გახლდათ.
სტუმართა შემადგენლობაში საუკეთესო დომანტას საბონისი იყო: 33 ქულა, 12 მოხსნა, 6 პასი. ცენტრის პოზიციაზე მოთამაშე მაილს ტერნერმა 23 წუთში მხოლოდ 3 ქულა, 2 მოხსნა და თითო-თითო ასისტი და ბლოკი შესძინა გუნდს.
"მილუოკის" კი სამმაგი დუბლით იანის ანტეტოკუნმპომ ულიდერა: 21 ქულა, 14 მოხსნა და 10 შედეგიანი გადაცემა.
"ინდიანა" აღმოსავლეთ კონფერენციის სატურნირო ცხრილში 12 მოგებითა და 10 წაგებით მე-5 ადგილს იკავებს. მომდევნო შეხვედრას ბითაძის გუნდი 6 თებერვალს, შინაურ კედლებში, "ნიუ ორლეანის" წინააღმდეგ ჩაატარებს.
ბითაძის ფანტასტიკური დაფარება! "ინდიანა" ლიდერთან დამარცხდა [VIDEO]
