დღეს, 17 ივნისს, ნაციონალურ საკალათბურთო ასოციაციაში პლეი-ოფის 2 შეხვედრა გაიმართა.
"ფილადელფიამ" "ატლანტა ჰოუქსს" უმასპინძლა. შეხვედრა სტუმართა გამარჯვებით, 109:106 დასრულდა. აღსანიშნავია, რომ მატჩს ლეგენდარული ალენ აივერსონი ესწრებოდა.
მასპინძელთა რიგებიდან საუკეთესო ჯოელ ემბიდი გახლდათ, რომელმაც თავი 37 ქულით, 13 მოხსნით, 5 შედეგიანი გადაცემით, 2 ჩაჭრითა და 4 დაფარებით გამოიჩინა.
სეტ კარიმ 36 ქულა, 7 მოხსნა და 2 ჩაჭრა დააგროვა.
აღსანიშნავია, რომ "ფილადელფიამ" 26-ქულიანი უპირატესობა გაანიავა და მნიშვნელოვანი შეხვედრა დათმო.
რაც შეეხება "ჰოუქსს", ტრეი იანგმა გუნდს 39 ქულა, 1 მოხსნა, 7 შედეგიანი გა
დაცემა და 3 ჩაჭრა შესძინა.
ლუ უილიამსმა 15 ქულა, 2 მოხსნა, 3 შედეგიანი გადაცემა და 2 ჩაჭრა დააგროვა. მისი დადებითობის მაჩვენებელი +31 გახლდათ.
ამრიგად, "ატლანტა" სერიაში 3:2 დაწინაურდა, მომდევნო შეხვედრას კი 19 ივნისს, საკუთარ მოედანზე გამართავს. გამარჯვების შემთხვევაში "ქორები" აღმოსავლეთ კონფერენციის ფინალში გადაინაცვლებს.
კავაი ლეონარდის გარეშე დარჩენილი "კლიპერსი" "იუტა ჯაზს" ესტუმრა და 119:111 დაამარცხა. კალიფორნიელებმა ზედიზედ მესამე შეხვედრა მოიგეს და სერიაში 3:2 დაწინაურდნენ, დასავლეთ კონფერენციის ფინალამდე კი 1 მოგება იქნება საჭირო, ისიც ლოს-ანჯელესში.
რაც შეეხება დღევანდელ შეხვედრას, მასპინძელთა რიგებიდან საუკეთესო ბოიან ბოგდანოვიჩი გახლდათ, რომელმაც 32 ქულა და 3 მოხსნა დააგროვა.
დონოვან მიტჩელმა გუნდს 21 ქულა, 5 მოხსნა, ამდენივე შედეგიანი გადაცემა და 1 ჩაჭრა შესძინა.
რაც შეეხება "კლიპერსს", პოლ ჯორჯმა თავი 37 ქულით, 16 მოხსნით, 5 შედეგიანი გადაცემით, 1 ჩაჭრითა და 2 დაფარებით გამოიჩინა.
პოლს მხარი მარკუს მორისმა აუბა, რომელმაც 25 ქულა, 2 მოხსნა, 2-იც შედეგიანი გადაცემა, 1 ჩაჭრა და ამდენივე დაფარება დააგროვა.
როგორც უკვე აღვნიშნე, კალიფორნიელები სერიაში 3:2 დაწინაურდნენ, ფინალში გასვლას კი 19 ივნისს, საკუთარ მოედანზე შეეცდებიან.
![alt](/pictures/image50/bc88de15ca1cdbe48e7a6636c16f8500.jpg ""ფილადელფიამ" 26 ქულიანი უპირატესობა გაანიავა და აივერსონს გამარჯვება ვერ მიუძღვნა.. [VIDEO]")
დურანტის მაგიურმა 49-ქულიანმა საღამომ "ბრუკლინი" დიდ პრობლემას გადაარჩინა [VIDEO]
![მამუკელაშვილის სეზონის საუკეთესო მატჩი - "სან ანტონიო სპურსმა" "იუტა ჯაზი" დაამარცხა [VIDEO]](/pictures/image7/809e6ab642ef7f39174e0976f458e9c7.jpg "მამუკელაშვილის სეზონის საუკეთესო მატჩი - \"სან ანტონიო სპურსმა\" \"იუტა ჯაზი\" დაამარცხა [VIDEO]")
![მამუკელაშვილის მორიგი შედეგიანი მატჩი - "სპურსმა" "ჯაზი" დაძაბულ ბრძოლაში დაამარცხა [VIDEO]](/pictures/image7/37e9e74b492137826db037756e1eaa1d.jpg "მამუკელაშვილის მორიგი შედეგიანი მატჩი - \"სპურსმა\" \"ჯაზი\" დაძაბულ ბრძოლაში დაამარცხა [VIDEO]")
![3 წუთში დუბლი შეასრულა და საგოლე პასიც მიითვალა - მესი 2 თვიანი პაუზის შემდეგ მოედანს დაუბრუნდა [VIDEO]](/pictures/image7/96fcf96425ab8c3c08323fb139786dc9.jpg "3 წუთში დუბლი შეასრულა და საგოლე პასიც მიითვალა - მესი 2 თვიანი პაუზის შემდეგ მოედანს დაუბრუნდა [VIDEO]")
![მამუკელაშვილის 14 წუთი - "სან ანტონიო სპურსი" "იუტა ჯაზთან" დამარცხდა [VIDEO]](/pictures/image7/b6a50d4af2d11e90d6428756f8e9c0b4.jpg "მამუკელაშვილის 14 წუთი - \"სან ანტონიო სპურსი\" \"იუტა ჯაზთან\" დამარცხდა [VIDEO]")
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
