ნაციონალურ საკალათბურთო ასოციაციაში "ლოს ანჯელეს ლეიკერსი" "ბრუკლინ ნეტსს" ესტუმრა და 106:96 დაამარცხა.
სტუმართა შემადგენლობიდან ლებრონ ჯეიმსმა გუნდს 33 ქულა (14/21), 7 მოხსნა, 6 შედეგიანი გადაცემა, 3 ჩაჭრა და 2 დაფარება შესძინა. 37 წლის კალათბურთელმა NBA-ს ახალი რეკორდი დაამყარა - ჯეიმსი გახდა ყველაზე ასაკოვანი კალათბურთელი, რომელმაც ზედიზედ 18 მატჩში 25 ან მეტი ქულა დააგროვა.
ლებრონს მხარი მალიკ მონკმა აუბა, რომელმაც 22 ქულა, 5 მოხსნა, 2 შედეგიანი გადაცემა და 1 ჩაჭრა დააგროვა.
"ნეტსის" მხრიდან ჯეიმს ჰარდენმა 33 ქულა, 12 მოხსნა, 11 შედეგიანი გადაცემა, 2 ჩაჭრა და 1 დაფარება მიითვალა.
მოგეხსენებათ, კევინ დურანტი 16 იანვრის შემდეგ მოედანზე არ გამოჩენილა. რაც შეეხება კაირი ირვინგს, გამთამაშებელს "ბრუკლინის" საშინაო შეხვედრებში თამაში აკრძალული აქვს. მიზეზი ვაქცინის გაკეთებაზე უარის თქმაა.
ამრიგად, "ლეიკერსი" 24 მოგებითა და ამდენივე მარცხით დასავლეთ კონფერენციაში მე-8 ადგილს იკავებს. შემდეგ მატჩს 28 იანვარს, "ფილადელფიას" წინააღმდეგ გამართავს.
"ნეტსი" 29 გამარჯვებითა და 18 წაგებით აღმოსავლეთში მე-3 პოზიციაზე იმყოფება, მომდევნო შეხვედრას კი ხვალ, 27 იანვარს, "დენვერ ნაგეტსის" პირისპირ ჩაატარებს.
![დონჩიჩისა და იოკიჩის შოუ ირვინგმა მოიპარა - გამთამაშებლის საოცარი ტყორცნა და ბოლო წამზე მოგებული მატჩი [VIDEO]](/pictures/image7/c96f525ed467e0c3e212806e0139e5b2.jpg "დონჩიჩისა და იოკიჩის შოუ ირვინგმა მოიპარა - გამთამაშებლის საოცარი ტყორცნა და ბოლო წამზე მოგებული მატჩი [VIDEO]")
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
![ჯეიმსის ისტორიული მატჩი - "ლეიკერსმა" "იუტა" დაამარცხა [VIDEO]](/pictures/image7/1d12114aaa0f32aa247847e802b4d92e.jpg "ჯეიმსის ისტორიული მატჩი - \"ლეიკერსმა\" \"იუტა\" დაამარცხა [VIDEO]")
![როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი "ინტერ მაიამიში" [VIDEO]](/pictures/image7/7984e9b957b89cb092af0bfb1ffc0f33.jpg "როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი \"ინტერ მაიამიში\" [VIDEO]")
![ჯამალ მარის მაგარი მატჩი და "დენვერის" მეორე გამარჯვება "ლეიკერსთან" [VIDEO]](/pictures/image7/dc9ba62edf8579aa5826fdad4cc47150.jpg "ჯამალ მარის მაგარი მატჩი და \"დენვერის\" მეორე გამარჯვება \"ლეიკერსთან\" [VIDEO]")
