საქართველოში შოტლანდიის ნაკრების სტუმრობამ საკმაო ინტერესი გამოიწვია და მათმა რაგბის ფედერაციის საიტმა მომავალ შეხვედრებს სპეციალური წერილი მიუძღვნა.
"ჯონსონი საქართველოში ტესტ-მატჩში დაგვიბრუნდება
იმ შემადგენლობასთან შედარებით, რომელმაც გასულ უქმეებზე საფრანგეთს მიურეიფილდზე 17:14 სძლია, გუნდში 10 ცვლილებაა. დაბრუნდება სემ ჯონსონი, მესამედ მოირგებს ნაკრების კვართს 23 წლის რორი ჰატჩისონი.
შოტლანდია 6 ერის გუნდებიდან პირველი ითამაშებს საქართველოში. ეს ბოლო გამოცდებია ჩვენი მოთამაშეებისათვის და მწვრთნელი გრეგორ ტაუნსენდი მსოფლიო თასისთვის შემადგენლობას მათთან მეორე შეხვედრის შემდეგ გამოაცხადებს.
აი, რა განაცხადა მან: "მიხარია ჯონსონის დაბრუნება და მივესალმები, რომელმაც გაზაფხულზე კარგად ითამაშა. შაბათს სხვებსაც მიეცემათ თავის წარმოჩენის შესაძლებლობა. ფრანგებთან დაპირისპირებაში პროგრესი იგრძნობოდა, მეტადრე - დაცვაში, თამაშის წარმართვაში, შერკინებასა და შეტევის ზოგიერთ ელემენტში.
ეს გამოცდა იქნება ქართველთა ძალიან კარგ გუნდთან, რომელიც საკუთარი გულშემატკივრების ძლიერი მხარდაჭერით უზომოდ მოტივირებული იქნება.
ფიზიკურად ძალიან კარგ მეტოქესთან ბრძოლას ველით და ეს ჩვენი ნაკრებისთვის დიდი გამოცდა იქნება. ამ გამოწვევის მისაღებად თამაშის თავიდანვე კარგად დაწყება გვმართებს. გვიბრუნდება სტიუარტ მაკინალი. ის სასტარტოში იქნება და ისევე, როგორც ნიცაში საფრანგეთთან, გუნდს უკაპიტნებს. ითამაშებენ ბლერ კინგჰორნი, ალან დელი და მეტ ფაგერსონი. დარსი გრემი ტომი სეიმურს შეცვლის, რომელმაც თავის ტრავმა მიიღო.
დაგვიბრუნდნენ ნახევარმცველები გრეიგ ლაიდლოუ და ფინ რასელი. მწყობრშია ვილემ ნელი. გრანტ გილკრისტი და ჯონ ბარკლაი საასპარეზოდ მზად არიან. ბენ ტოოლისი და ჰემიშ უოტსონიც.
მატჩს პირდაპირ ეთერში Premier Sports-ი გადასცემს.
შემადგენლობა:
15. ბლერ კინგჰორნი (ედინბურგი, 13 მატჩი ნაკრებში)
14. დარსი გრემი (ედინბურგი, 5)
13. რორი ჰატჩისონი (ნოტჰემპტონ სეინტსი, 2)
12. სემ ჯონსონი (გლაზგო უორიორზი, 4)
11. შონ მეიტლენდი (სარასენსი, 41)
10. ფინ რასელი (რასინგი, 44)
9. გრეიგ ლაიდლოუ (კლერმონი, 72, ვიცე-კაპიტანი)
1 ალან დელი (ლონდონ აირიში, 23)
2. სტიუარტ მაკინალი (ედინბურგი, 28, კაპიტანი)
3. ვილემ ნელი (ედინბურგი, 30)
4. ბენ ტოოლისი (ედინბურგი, 19)
5. გრანტ გილკრისტი (ედინბურგი, 35)
6. ჯონ ბარკლაი (ედინბურგი, 73, ვიცე-კაპიტანი)
7. ჰემიშ უოტსონი (ედინბურგი, 26)
8. მეტ ფაგერსონი (გლაზგო უორიორზი, 4)
სათადარიგოები:
16. გრანტ სტიუარტი (გლაზგო უორიორზი, 1)
17. ჯეიმი ბჰატი (ედინბურგი, 14)
18. ზანდერ ფაგერსონი (გლაზგო უორიორზი, 20)
19. სკოტ კამინგსი (გლაზგო უორიორზი, 2)
20. ჯონ შტრაუსი (ბლუე ბულზი, 23)
21. ალი პრაისი (გლაზგო უორიორზი, 25)
22. ადამ ჰასტინგსი (გლაზგო უორიორზი, 12)
23. ჰიუ ჯონსი (გლაზგო უორიორზი, 22)".
მეტოქემ მომავალ მატჩებს ვიდეორგოლიც მიუძღვნა.
![საქართველოს ნაკრებმა ტონგას 22:7 მოუგო [VIDEO]](/pictures/image7/9d0db8b81489c848be9a94f86e43ecf0.jpg "საქართველოს ნაკრებმა ტონგას 22:7 მოუგო [VIDEO]")
