საქართველოს რაგბის კავშირის მარკეტინგის დირექტორმა მიხეილ ხარატმა მედიას ის თასები წარუდგინა, რომელთა შესანარჩუნებლად "ბორჯღალოსნები" უახლოესი ორი თვის განმავლობაში იბრძოლებს.2020 წლის რაგბი ევროპის ჩემპიონატს "ბორჯღალოსნები" 1-ელ თებერვალს თბილისში, "დინამო არენაზე" რუმინეთთან მატჩით იწყებს. შეხვედრა 18:00 საათზე დაიწყება.
ბილეთები უკვე იყიდება. ამ ეტაპზე ბილეთები იყიდება ონლაინბმულზე: www.TKT.GE/RUGBY ხოლო "დინამო არენის" სალაროებში ბილეთები მატჩის კვირას (27 იანვრიდან) გაიყიდება.
ტრადიციულად, საქართველოსა და რუმინეთის ნაკრებები ურთიერთშეხვედრაში "ანთიმოზ ივერიელის თასისთვის" იბრძოლებენ, რომელიც ამ გუნდებს შორის 2002 წლიდან თამაშდება. აქამდე "ბორჯღალოსნებმა" ეს თასი 12-ჯერ აღმართა, ხოლო
"რაგბი ევროპის ჩემპიონატს ტრადიციულ მეტოქესთან, რუმინეთთან მატჩით ვიწყებთ და ამავდროულად, გუნდები გარდამავალი "ანთიმოზ ივერიელის თასისთვის" იბრძოლებენ.
პრინციპულ შეხვედრას ორივე გუნდი განსაკუთრებული მოტივაციით ხვდება, მით უმეტეს, რომ ახალი ოთხწლიანი ციკლი იწყება და ორივე გუნდი განახლებული შემადგენლობით ითამაშებს.
რუმინელები მნიშვნელოვნად გაძლიერდნენ. შეცვლილია ჩვენი გუნდიც, უფრო შემტევ, სწრაფ რაგბის ითამაშებს და დარწმუნებული ვარ, ერთ-ერთი ყველაზე სანახაობრივი საქართველო-რუმინეთი იქნება" - განაცხადა ხარატმა.
![Sportall.Ge](/pictures/artimages/original/5170a73623318cca6f95ae300e4cc53b.jpg "მიხეილ ხარატი: "ბორჯღალოსნები" უფრო შემტევ და სწრაფ რაგბის ითამაშებენ")
9 თებერვალს, საქართველოს დროით 15:45 საათზე, ესპანეთის ნაკრებს მადრიდში შევხვდებით. ორკვირიანი შესვენების შემდეგ, 22 თებერვალს, 15 საათზე, "ბორჯღალოსნები" ქუთაისში, "აია არენაზე" ბელგიას მასპინძლობს.
მეოთხე რაუნდში, 7 მარტს, რაგბი ევროპაზე დაბრუნებულ პორტუგალიის ნაკრებს საფრანგეთში, პარიზში, "სტად ჟან ბუენზე" შევხვდებით. წლევანდელ რაგბი ევროპას 14 მარტს თბილისში, რუსეთის ნაკრებთან მატჩით ვასრულებთ. რომელ სტადიონზე გაიმართება დასკვნითი შეხვედრა, ჯერჯერობით უცნობია, რაზეც ხარატმა განაცხადა:
"პორტუგალიის რაგბის კავშირის თხოვნით, მათთან შეხვედრა პარიზში, 45-ათასიან სტადიონზე გაიმართება. რაც შეეხება რუსეთთან შეხვედრას, კარგად გვესმის, რომ ბელარუსთან მატჩს არა მხოლოდ ქართული ფეხბურთისთვის, არამედ ქვეყნისთვის უდიდესი მნიშვნელობა აქვს. თუ მინდვრის საფართან დაკავშირებით გაჩნდება რაიმე კითხვა და ორი კვირა არ იქნება საკმარისი რეაბილიტაციისთვის, მზად ვართ, განვიხილოთ სხვა სტადიონზე თამაშის შესაძლებლობა. რადგან საქართველო-რუსეთის მიმართ ინტერესი ძალიან დიდია, ამ შემთხვევაში ალტერნატივად "მიხეილ მესხის" სტადიონი გამოდგება, სადაც 25 ათასი მაყურებელი ეტევა".
მომზადებულია rugby.ge-ს მიხედვით
!["მე მჯერა, რომ თქვენ ითამაშებთ თამამად და თავაწეულები დატოვებთ მოედანს" - ცნობილმა სპორტსმენებმა ბორჯღალოსნებს მიმართეს [VIDEO]](/pictures/image7/991db290188d651695547982ff9eba39.png "\"მე მჯერა, რომ თქვენ ითამაშებთ თამამად და თავაწეულები დატოვებთ მოედანს\" - ცნობილმა სპორტსმენებმა ბორჯღალოსნებს მიმართეს [VIDEO]")
თუ იქაც მინდვრის საფარი შეილახება და დაზიანდება?