პრეტორიაში ჩატარებულ პირველ ტესტ-მატჩში საქართველოს ნაკრები მსოფლიოს ჩემპიონ სამხრეთ აფრიკასთან 9:40 დამარცხდა.
„ბორჯღალოსნებმა“ თამაში თამამად დაიწყეს და აბჟანდაძემ უკვე მეორე წუთზე ჯარიმიდან ანგარიში გახსნა, რომელსაც ორიოდე წუთში მსოფლიოს ჩემპიონებმა ფლანგიდან სწრაფი შეტევით და ლელოთი უპასუხეს. ამას ჩვენები სულაც არ დაუბნევია, ბურთს თითქმის სულ ფლობდნენ და მრისხანე მეტოქის შეტევებს ჩანასახშივე კლავდნენ. ტაიმის შუისკენ აბჟანდაძემ ორი ჯარიმით ისევ დააწინაურა თავისიანები და ანგარიში 5:9 გახდა. ნელ-ნელა აფრიკელებმა იძალეს, ტემპს უმატეს, შერკინებაშიც რამდენიმეჯერ ივარგეს, მაგრამ ვიდრე მიჯრით ჯარიმებისათვის საღინაძე არ გაასიმბინეს, ლელო ვერ დადეს. რიცხობრივ უპირატესობაში მყოფმა აფრიკელებმა ორი ლელო გაგვიტანეს და ანგარიში 19:9 გახადეს, რომლის შემცირება ისევ აბჟანდაძეს შეეძლო, გაწითლებულ დროში არეკნი რომ გაეტანა, მაგრამ ააცილა.
მეორე ტაიმის დასაწყისში ჩვენებმა გაიბრძოლეს, მაგრამ მასპინძლებმა იძალეს, უმატეს ტემპს, ძალისმიერ ბრძოლებშიც დაგვჩაგრეს და მიუხედავად „ბორჯღალოსანთა“ დიდი წინააღმდეგობისა, მათი შეკავება შეუძლებელი გამოდგა და დავმარცხდით.
ამ გუნდების მეორე შეხვედრა 9 ივლისს იოჰანესბურგში გაიმართება.
23:13 02-07-2021
როდესაც ძალა აღმართს ხნავს - საქართველოს ნაკრები მსოფლიოს ჩემპიონთან ბრძოლაში დამარცხდა [VIDEO]
AutoSharing Option
ცვლილება შემადგენლობაში - სპანდერაშვილი ცუცქირიძის ნაცვლად
ასევე დაგაინტერესებთ
![ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]](/pictures/image7/0f4b77bd967b8edd701abb94e504f0be.jpg "ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]")
უძრავი ქონება
სიახლეები
პოპულარული
ფედერაცია, "ლარისუ ივანოვნუ ხატიმ"!:)
- ა რ დაბლოკოთ ახლა (ს ი ბ რ ი ყ ვ ი თ- პოლიტიკა და სპორტი სხვადასვაა არის-ო(?!))- აქ ვინც ჩვენ ბიჭებს აკრიტიკებს- შ ე გ ნ ე ბ უ ლ ი მტრები არიან ქართველი ერის-საქართველოს... -არ გეგონოთ უვიცი და რაგბის არ მცოდნეები იყვნენ-არ იცოდნენ რომ მსოფლიო ჩემპიონებს ვეთამაშებით ეს ღატაკი, უიმედო და უპერსპექტივო ქვეყნის შვილები ფინანსურად ღატაკი ეროვნული ჩემპიონატით და-მაინც როგორ თამაშობენ - ბოღმა არჩობთ, ყველაფერში რომ სურთ ქართველთა ნიჭი, შემართება, მამაცი, შემოქმედებითი ბუნება ჩაახრჩონ და უსუსურების განცდა გაამძაფრონ - ერის ფსიქო-ემოციურ განწყობაზე ზემოქმედება მოახდინონ...მეტი-არაფერი.
ისე, ფიზიკურად ამ ახალგაზრდა ბიჭების კიდევ უფრო გაძლიერება-მომზადება- გამძლავრება (საფრანგეთთან ერთად ბრიტანეთი-ინგლისშიც გაგზავნა- სხვა დისციპლინაა) და საქართველოს რაგბის მსოფლიო ელიტაში -ეს ბიჭები შეიყვანენ (მერწმუნეთ- იტალია -ასე ვ ე რ ეთამაშება ვერც აფრიკას და ვერც... და მ ო ვ ი წ ვ ი ო თ თბილისში-კატეგორიულად)