ისტორიულ მატჩში იტალიის დამარცხების (28:19) შემდეგ კომენტარი საქართველოს ნაკრების კაპიტანმა მერაბ შარიქაძემ გააკეთა:"ჩვენ წინასწარ არ ვსაუბრობდით, რომ აუცილებლად გავიმარჯვებდით. მოედანზე ყველაფერი დავდეთ და წარმატებას მივაღწიეთ. დიდი მადლობა გულშემატკივრებს, სტადიონზე ასეთი გარემო არასდროს მახსოვს. მადლობა ბათუმს, ეს გულშემატკივრობა სწორედ გადამწყვეტი იყო. კადრებში ჩვენი ემოცია კარგად ჩანს. პასუხისმგებლობას ვგრძნობდით იმათ წინაშე, ვინც რაგბი ჩვენამდე მოიტანა. ამ ხალხის ნაშრომი დღეს ჩვენ კარგად უნდა დაგვემთავრებინა.
იტალიელებმა როცა იგრძნეს, რომ თამაშს ვაკონტრილებდით, ემოციებს მოუმატეს. ჩვენ ვიცოდით, რომ ამას არ უნდა ავყოლოდით. მომდევნო მატჩი, პორტუგალიასთან,
მარტივი არ იქნება, რადგან ამ შეხვედრიდან გადართვა უნდა მოვახერხოთ. ბიჭებმა გასახდელში ერთმანეთს ვუთხარით, რომ ამ გამარჯვების შემდეგ, პორტუგალიასთან მარცხი რა ცუდი იქნება".
გასკდა გული, გატყდა ნავსი და იტალია - საქართველოს ნაკრებმა ისტორიული გამარჯვება მოიპოვა! [VIDEO]
მაისაშვილი: ჩვენმა გამარჯვებამ "რაგბის მამები" უნდა დააფიქროს - ბევრი კრიტიკა მოდის
!["ბორჯღალოსნების" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]](/pictures/image7/631192a2ce41d22fd7bb5776f653c1d8.png "\"ბორჯღალოსნების\" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]")
