სამადლობელი "ბორჯღალოსნებს" - ეს მხოლოდ დასაწყისია. გაგრძელებას ველით, უთუოდ, შემოდგომაზე, საფრანგეთში!

AutoSharing Option
ასე ტკბილი და ასე თბილია ჩემი ხალხი და ჩემი ქვეყანა

საქართველოს მორაგბეთა ნაკრებმა წელს "ექვსი ერის" გუნდს მეორედ სძლია, რაც ჯერ კიდევ ცოტა ხნის წინ წარმოუდგენლად მოჩანდა. თაობათა ცვლის მტკივნეული პროცესი გადაილახა, გუნდი ახლებურად ათამაშდა, ამ პროცესს ბუნებრივია ახლდა ბევრი ხარვეზი (დერეფნები, ჯარიმები, სათამაშო დისციპლინა, რაქების გაწმენდა), მაგრამ სხვანაირად ეს წარმოუდგენელი გახლდათ. ბევრი იყო ლანძღვა და არა კრიტიკა. ლამის მიწასთან გავასწორეთ კაცი, რომლის ხელმძღვანელობითაც ეროვნულმა გუნდმა არნახულ შედეგს მიაღწია.

უელსთან მოგებას თავი დავანებოთ, იტალიის ძლევისას "ბორჯღალოსნების" მწვრთნელი რომ უცხოელი ყოფილიყო,
კერპად შევრაცხავდით და სიცოცხლეშივე ძეგლს დავუდგამდით. ასე გვჩვევია, ჩვენში ხომ შინაურ მღვდელს შენდობა არ აქვს და ისე გავთელავთ ხოლმე, როგორც დიდოელი ლეკი ნაბადს. ეს, ალბათ, ერთგვარი სნობიზმია (საქართველოში მშვენიერს, "უცხოს" უწოდებდნენ, კარგ ქართულ თხილს - "ბერძნულს", ხოლო საუკეთესო ცერცვსაც - "ბერძნულს"). თუმცა, ამ შემთხვევაში უფრო პოლიტიკური შემადგენელი შეინიშნება.

Sportall.Ge

სამოასთან მოგებული თამაში წავაგეთ, თითქოს ადრე ვირწმუნეთ გამარჯვება, მოვდუნდით და დავისაჯეთ. ცოტა არც გაგვიმართლა, სამაგიეროდ კარდიფში გაგვიმართლა, მსაჯიც ობიექტური გამოდგა, მიუკერძოებელი. თუმცა, როგორც იტყვიან, უმართლებთ უძლიერესებს. მეორე ტაიმში ჩვენმა ბიჭებმა აშკარად დაჯაბნეს მოწინააღმდეგე, მეტადრე შერკინებაში, ქულა არ ააღებინეს, საოცარი ბრძოლისუნარინობა გამოავლინეს და დამსახურებული გამარჯვებაც მოიპოვეს. იმედია, შეცდომების გამოსწორება გაგრძელდება, წარმატებული სვლაც და ეს პროგრესის დასაწყისია. "დრაკონებს" მსოფლიოს თასზეც უნდა ვძლიოთ. მთელ სარაგბო სამყაროს უნდა ვაჩვენოთ, რანი ვართ და რა შეგვიძლია. ჩვენ კი ეს ნამდვილად შეგვიძლია, რამეთუ ანგარიშს რომ თავი დავანებოთ, თამაშით მისსავე მოედანზე ვაჯობეთ ჩვენთვის აქამდე მრისხანე მეტოქეს, რომელიც შესვენების შემდეგ სულაც არ გამოიყურებოდა მრისხანედ. პირიქითაც შეიძლება ითქვას. ქართველთა დომინირება და დამსახურებული გამარჯვება თავად მასპინძლებმაც აღიარეს.

რაც შეეხება "ექვს ერს", ყველას რომ მოვუგოთ, მაინც არ შეგვიყვანენ (ნატოსი და ევროკავშირის არ იყოს), რადგან ეს ჩაკეტილი სისტემის ჩაკეტილი ტურნირია, რომელიც მხოლოდ ფინანსური პრინციპებით ხელმძღვანელობს და არა სპორტულით და მის მამებს რაგბის განვითარება ნაკლებად აღელვებთ. არადა, მთელი წლის განმავლობაში დიდ გუნდებს ერთი-ორჯერ თუ შევხვდებით და სწორედ მათთან თამაშითაა დონის შემდგომი ამაღლება შესაძლებელი. რას ვიზამთ, ასეთია ჩვენი ხვედრი და მიუხედავად ამისა, რასაც პირადად დისკრიმინაციად მივიჩნევ, პატარა და ეკონომიკურად არცთუ სახარბიელო მდგომარეობაში მყოფი ქვეყნის გუნდი წინ მიიწევს, მიიწევს თავისი პრობლემებით, წუნით, ბრძოლით, სიამაყით და შეუპოვრობით. გუშინ ყველანი ჩვენი ქართველობით ამაყნი ვიყავით, ჩვენი მორაგბეებით, მათი დამრიგებლებით და ნათლად დაგვანახეს, რა ძალუძთ და რამხელა სიხარული შეუძლიათ მოგვიტანონ. მადლობა მათ ბედნიერი წუთებისთვის და იმედს გამოვთქვამთ, რომ ეს მხოლოდ დასაწყისია. გაგრძელებას ველით, უთუოდ, შემოდგომაზე, საფრანგეთში.

altსაქართველოს ნაკრებმა კარდიფში ისტორიული გამარჯვება მოიპოვა და წელს მეორედ სძლია "ექვსი ერის" გუნდს [VIDEO]

 

altსაქართველოს მორაგბეთა ნაკრების ემოციები უელსთან გამარჯვების შემდეგ [VIDEO]

altშარიქაძე: ბევრი სცდება და ბევრს აზრის შეცვლა მოუწევს

alt"ქართველები ჩვენზე უკეთესები იყვნენ და გამარჯვება დაიმსახურეს" - უელსის ნაკრების კაპიტანი

altBBC: საქართველოს ნაკრების "6 ერში" გაწევრიანებაზე ახლა უფრო ხშირად ილაპარაკებენ

altმაისაშვილი: ჩვენ ასეთები ვართ ქართველები - ისტორია დავწერეთ, კიდევ ერთხელ

altკაზუსი. უელსის დამარცხება ქართველების ნაცვლად ამერიკელ ჯორჯიელებს მიულოცეს

მკითხველის კომენტარები / 32 /
რაგბი წამყვან ბურთიან სპორტში ალბათ ერთადერთია,რომლის ტაქტიკური მონახაზი კი არა, წესებიც არვიცი ბოლომდე,უბრალოდ ვუყურებ ჯიგრით და პროფესორობას არ დავიწყებ, სამაგიეროდ ბევრი კომენტარი შემხვედრია,ვინებიც მაისაშვილს ჭე კლასის სპეციალისტად მიიჩნევს და მაინტერესებს , გუშინ გაგვიმართლა თუ კომენტარების დამწერნი პროფესორობენ ????
დავითი
20 ნოემბერი 2022 17:11
3
არ გაგვიმართლა კარგი თაობაა, დაცვაში ალბათ ერთ ერთი საუკეთესოები ვართ მსოფლიოში, მაგრამ ეს ნაკრები უკეთეს მწვრთნელს ცალსახად იმსახურებს
Qq
20 ნოემბერი 2022 23:36
4
აქ წავიკითხე კომენტარი, ერთხელ ისიც ყვავისო და აი მაგ კომენტარის ავტორს რა უნდა ელაპარაკო საერთოდ? დიდი მადლობა ბიჭებს თავდადებისთვის, წინ მსოფლიოა და წარმატებები!!!!!!!!!!
-----
21 ნოემბერი 2022 10:35
0
მართალია
გიორგი 11
20 ნოემბერი 2022 16:43
0
სულით და გულით ვულოცავ ბიჭებს და საქართველოს ისტორიულ და საეტაპო გამარჯვებას... ყველამ გავიხარეთ, პრინსიპალიტიზე გამარჯვება ეს იგივეა, რაც უემბლიზე ინგლისს ან მარაკანაზე ბრაზილიას მოუგო...
ჩემი სუბიექტური აზრია, რომ მატჩი სწორედაც, როომ სწორმა შეცვლებმა(ყოჩაღ ლევან!) და შერკინებებში(ბოლო 2) მოპოვებულმა ჯარიმებმა გადატეხეს... ლევან, გთხოვ დაასვენე(,,შავ ლომში'' დატოვე) ხანდაზმული მორკინალები და მიეცი შანსი ახალგაზრდებს, მათ ეს კიდევ ერთხელ დაიმსახურეს...
გიორგი-50
21 ნოემბერი 2022 00:29
1
ძალიან ტენდენციური და არაკომპეტენტური პუბლიკაციაა!
რომ მიგვიღებენ 6 ერში, როგორ ახსნის ავტორი საინტეტესოა
Gimzeri
20 ნოემბერი 2022 18:27
26
ნეტა ვის და სად უმზერი?!
კოტე
20 ნოემბერი 2022 20:59
0
რა კარგი სტატიაა_ თუნცა გვარს რომ დავხედე_ აღარ გამკვირვებია.....ისე პესიმზმში არ ვეთანხმები_ ნატოსა და ევროკავშირზე... ეჰ ისე 11x11...
ილია
20 ნოემბერი 2022 18:26
4
რაც არუნდა აპიაროთ მაისაშვილი მის ხელში საქართველო არ პროგრესირებს ჩვენ გვჭირდება რაგბის დახვეწილი კულტურის მქონე მწვრთნელი მაგალითად თუნდაც როგორიც იყო კლოდ სორელი და მილტონ ჰეიგი. მათ ხელში ნასწავლი ტაქტიკის ცოდნით მოვიდა მაისაშვილი ამ დრომდე და იმიტომ უფრო რომ რაგბის კავშირში ყავს გავლენიანი კაცები.
ვანო
21 ნოემბერი 2022 15:47
6
რა კარგი თაობაა და შეგვრჩა მგონი დაბალი დონის მწვრთნელი, შედეგი კი მაგრამ თამაშში რა ნახეთ მოსაწონი
Qq
20 ნოემბერი 2022 23:28
25
მაისაშვილი გავაგდოთ?
....
20 ნოემბერი 2022 22:30
2
აწი რაღას გააგდებ, მაგრამ უკეთესი მწვრთნელია საჭირო
Qqq
20 ნოემბერი 2022 23:32
6
კი მართლაც ეწერა ასეთი მოთხოვნები. ეს რომ უცხოელს გაეკეთებინა აეროპორტშო დავხვდებოდით და ხელში აყვანის წამოვიყვანდით იქიდან. იტალიას დამაჯარევლად მოუგეთ და უელსს კარდიფში 24-ე წუთიდან ქულა არ ავაღებინეთ. ნამდვილად გასაგდებია DDD
G.LA
20 ნოემბერი 2022 23:31
3
ნატოსთან და ევროკავშირთან შედარება რა იყო ახლა :) ვიმსახურებთ და არ შევყავართ?
ავთო
22 ნოემბერი 2022 13:24
0
cagvchamen exla tvinebs eseni as celitadshi ertxel rac yvavis ise mouvidat ddddddd
Simartle
20 ნოემბერი 2022 18:00
30
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული