უკეთესი მეორე ტაიმი და ორი ლელო - საქართველოს ნაკრები ავსტრალიასთან დამარცხდა [VIDEO]

AutoSharing Option
AUTO PLAY
მსოფლიო თასის პირველ ტურში საქართველოს ნაკრები ავსტრალიასთან 15:35 დამარცხდა.

მეტოქე დებიუტში ლელოთი დაწინაურდა (გარდასახვა ვერ გამოიყენეს), რის შემდეგაც ლოჟანიძის მოპოვებული საჯარიმოდან ანგარიში მატკავამ შეამცირა. თუმცა, მერე „კენგურუებმა“ სხვაობა ლელო-გარდასახვით და სამი საჯარიმოთი გაზარდეს. ავსტრალია აშკარად უკეთ გამოიყურებოდა და 18 ქულით წინ ლოგიკურად გავიდა. პირველი ტაიმის დასასრულს მოდებაძე გაასინბინეს, მოწინააღმდეგეს პერსპექტიული შეტევისას ბურთი დაუვარდა და მსაჯმა გუნდები შესვენებაზე გაიხმო.

მეორე ტაიმი კაცნაკლულმა საქართველოს ნაკრებმა აქტიურად დაიწყო და ლამაზი კომბინაცია ივანიშვილის ლელოთი დაგვირგვინდა. მატკავამ კი რთული პოზიციიდან გარდასახვა ვერ გამოიყენა. ამას ჩვენი
გუნდის კარგი შეტევა, ნინიაშვილის არაზუსტი პასი, ვიზავის სწრაფი კონტრიერიში და ლელო მოჰყვა - სამწუხაროდ, იმ დროს, როდესაც ჩვენმა გუნდმა თამაში დაალაგა და ინიციატივასაც დაეუფლა. აღსანიშნავია, ზედიზედ სამჯერ მოვუგეთ მეტოქეს მისივე დერეფანი, მაგრამ ცოტა ხანში მორიგი ლელო გაგვიტანეს. შემდეგ შესანიშნავი კომბინაციისას ტაბუცაძე ლელოსთან ახლოს იყო, თუმცა შანსი ხელიდან გაუშვა. სამაგიეროდ შეცვლაზე შესულმა გიგაშვილმა მე-80 წუთზე ლელო დადო. ერთი სიტყვით, მაისაშვილის შეგირდებმა შეხედრის მეორე ნახევარი უკეთ ჩაატარეს, თუმცა ძლიერ მეტოქესთან მარცხი განიცადეს.

შემდეგ მატჩს საქართველოს ნაკრები 23 სექტემბერს პორტუგალიასთან გამართავს.

პარიზი.“ სტად დე ფრანსე“
ავსტრალია – საქართველო 35:15
საქართველო

ხაზი: 15. დავით ნინიაშვილი (ლიონი), 14. აკაკი ტაბუცაძე (შავი ლომი), 13. დემურ თაფლაძე (შავი ლომი), 12. მერაბ შარიქაძე (შავი ლომი, კაპ.), 11. მირიან მოდებაძე (შავი ლომი), 10. ლუკა მატკავა (შავი ლომი), 9. ვასილ ლობჟანიძე (ბრივი);

შერკინება: 1. ნიკა აბულაძე (ექსეთერ ჩიფსი), 2. შალვა მამუკაშვილი (შავი ლომი), 3. გურამ პაპიძე (პო), 4. ნოდარ ჭეიშვილი (შავი ლომი), 5. კოტე მიქაუტაძე (ბეიონი), 6. თორნიკე ჯალაღონია (ბიარიცი), 7. ლუკა ივანიშვილი (შავი ლომი), 8. ბექა გორგაძე (პო).

მარქაფა: 16. თენგიზ ზამთარაძე (შავი ლომი), 17. გურამ გოგიჩაშვილი (რასინგ 92), 18. ბექა გიგაშვილი (ტულონი), 19. ლაშა ჯაიანი (ნევერი), 20. გიორგი ცუცქირიძე (სტად ფრანსე); 21. გელა აფრასიძე (ბეიონი), 22. თედო აბჟანდაძე (მონტობანი), 23. გიორგი კვესელაძე (გლოსთერი).

მკითხველის კომენტარები / 75 /
მეორე ტაიმის ფონზე უფრო დასანანი იყო ეს შედეგი. ნინიაშვილის მომენტმაც ცუდად იმოქმედა, მაგრამ აუგის თქმა არ მინდა ამ ბიჭზე იმდენად თანამედროვე და მაგარ რაგბს თამაშობს, გაბედულად ითამაშა და არ გაუმართლა.
ლელო
09 სექტემბერი 2023 22:08
2
ნინიაშვილს უბრალოდ პასი უნდა მიეცა ტაბუცაძისთვის და არავინ იცის როგორ დამთავრდებოდა თამაში
David
09 სექტემბერი 2023 22:36
2
ნინიაშვილზე ცუდი სიტყვა როგორ უნდა დაგცდეს, მგრამ რეები აკეთა დღეს, ამდენი შეცდომა რა ამბავია. ეტყონა ნერვიულობდა.
ირაკლი
09 სექტემბერი 2023 22:06
1
და რა აკეთა? ის რომ 22 ში იმათ აუტს გადაგვარჩინა? ხაზის გაჭრას რომ ცილობდა? თუ მაინცდამაინც იმ გარღვევაზე ბურთი რომ ამოაგდო ეგ დაგამახსოვრდა? ეგ ამოგდება ნინიაშვილის კი არა დანარჩენების ბრალი იყო - უკან რომ არავინ მიყვებოდა და ფეხბურთელებივით წინ რომ გაეხსნა ყველა. რომ არ ამოეგდო, შებოჭილი იყო და მაინც კარგავდა, ხოლო ნორმალურ გუდში 2 კაცი მინიმუმ უნდა ყოლოდა იმ ადგილას სადაც ბურთი გაუშვა.
???
09 სექტემბერი 2023 22:32
4
ნინიაშვილი ტრავმის შემდეგ ფორმაში ვერაა მთლად და გასაგებია, მაგრამ ხაზის გაჭრის შემდეგ პასი რატო არ გააკეთა თვითონაც ბრაზობს საკუთარ თავზე ალბათ..ლობჟანიძემ მესამე დონისდარი მორაგბის ჯარიმები აიღო -ბოლო ორი მითუფრო..
rable
09 სექტემბერი 2023 22:28
1
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული