საქართველოს რაგბის კავშირის პრეზიდენტი გოჩა სვანაძე სოციალური ქსელ "ფეისბუქის" საშუალებით ონლაინ ჩაერთო, აქამდე გაჟღერბულ და მომხმარებლების მიერ დასმულ შეკითხვებს უპასუხა.
"პრეზიდენტობა ჩემი მიზანი არ ყოფილა. რაგბის კავშირის ხელმძღვანელად არჩევის დროს (4 წლის წინ) ეს არ ყოფილა ჩემი სურვილი, ამაზე არც ვფიქრობდი, თუმცა ცხოვრება მოულოდნელობით არის სავსე.
ტყუილია იმაზე საუბარი, რომ ევროთასებზე სათამაშოდ რაგბის კავშირმა "ლოკომოტივს" კუთვნილი თანხა არ მისცა. ჩვენ მხოლოდ მაშინ შეგვიძლია კლუბების დახმარება, როცა ამის სახსრები გვაქვს.
რეგიონულ რაგბიზე მინდა ვთქვა, რომ ძალიან ვითარდება ჩვენს ქვეყანაში ამ მხრივ
პროცესები. ზუგდიდში დიდი ბაზა კეთდება, ზესტაფონის სარაგბო კლუბი ერთ-ერთი სერიოზული ძალა გახდება. სხვათა შორის, იყო საუბრები "ზესტაფონზე", რომ ორი წლის წინ შექმნილ გუნდს ხმის უფლება რატომ აქვს, თუმცა თუ ნახავთ, იქ უკვე 300-ზე მეტი ბავშვი ვარჯიშობს.
რაგბის კავშირს უკანასკნელი წლების განმავლობაში მუდმივად ჰქონდა ფინანსური დეფიციტი, თუმცა საგანგაშო არაფერია. ეს ყველაფერი იმით არის გამოწვეული, რომ დაუგეგმავი ნაბიჯების გადადგმა მოგვიწია, ანუ წლის დასაწყისში არც კი ვიცოდით, რომ რომელიმე კონკრეტული ქვეყანა შეხვედრის გამართვას შემოგვთავაზებდა. ასეთი ამხანაგური თამაშების გამართვა კი ჩვენი ნაკრების განვითარებისთვის აუცილებელია.
ასევე, ვერ ვხვდები საიდან მოდის აზრი, რომ საბავშვო რაგბი ჩაკვდა. მოედნები არ გვყოფნის ფესტივალების ჩასატარებლად. უკანაკსნელ 2,5 წელში 2000-მდე გაიზარდა რაგბიში ჩართული ბავშვების რაოდენობა.
რაც შეეხება სტუდენტურ რაგბიში არსებულ პრობლემებს. ამ სფეროს ერთი ადამიანი ედგა სათავეში, რომელსაც სხვა საქმე ვერ გამოუჩნდა და ფაქტობრივად, შემცვლელის პოვნა არის გადასაჭრელი საკითხი. რამდენიმე წელია ვსაუბრობ ამ თემაზე, გავეცი დავალება, მაგრამ არაფერი კეთდება და ალბათ საკადრო ცვლილებებთან გვექნება საქმე.
პირდაპირ მინდა განვაცხადო, რომ პოლიტიკაში რაგბიში არ შესულა. პოლიტიკურ სივრცეს არ აინტერესებს ვინ იქნება რაგბის სათავეში, არამედ მისთვის მნიშვნელოვანია ეს სფერო წარმატებული იყო. მხოლოდ ჩვენი რაგბის მცირე ნაწილი ცდილობს პოლიტიკის შემოტანას ამ სივრცეში, რაგბის პოლიტიზაციას და მინდა ვუთხრა მათ, რომ ამ მცდელობებს თავი დაანებონ.
პირდაპირ ვიტყვი და პასუხისმგებლობას ავიღებ რაგბის კავშირის ცუდ საკადრო პოლიტიკაზე. არ შეიძლება სკამის, თანამდებობის გულისთვის რაგბის განვითარება დაბლოკო.
რუსულ კლუბებში ძალიან ბევრი მორაგბე მიდის, რაც სოციალური პირობებით არის განპირობებული. 1500-2000 ლარი მათი ოჯახებისთვის საკმარისი არ არის, ნაწილი ასეთ ხელფასსაც ვერ იღებს ჩვენს ლიგაში.
რაგბის კავშირი მოთამაშეთა სელექციაში არასრდოს ჩარეულა. ჟვანიასთან დაკვშირებით მივედი და ვიკითხე, თუ რატომ მოხდა ის, რაც მოხდა. თუმცა, იქ მისულს მწვრთნელებისა და მოთამაშეების ერთსულოვნება დამხვდა, ბოდიში მოვიხადე და წამოვედ.
სამხერთ აფრიკის ჩემპიონატში ქართულ ფრენჩაიზს რაც შეეხება, აფრიკელებთან პერიოდული კონტაქტი გვაქვს, მათ გვითხრეს, რომ ამ საკითხზე საუბარი ივლისში განვაახლოთ.
მზიურის მიწის ნაკვეთის გაყიდვაზე იმას ვიტყვი, რომ შემოსული თანხიდან ქართული რაგბი ინფრასტრუქტურას მიიღებს, აქამდე კი იმ ნაკვეთს სარგებელი არ მოჰქონდა.
რაც შეეხება არჩევნებს, მინდა, რომ რაც შეიძლება მალე ჩატარდეს, თუმცა 10-კაცზე მეტი ადამიანის შეკრება როგორ მოხერხდება არ ვიცი. ვზარალდებით, რადგან ბევრი სპონსორი ელოდება პასუხს თუ ვინ იქნება პრეზიდენტი და რა პოლიტიკა გაგრძელდება. ამიტომ, რაგბის საკეთილდღეოდ, არც ონლაინ არჩევნების გამართვა არის გამორიცხული."
გოჩა სვანიძე - ჩვენი კონკურენტი პარტიული ადამიანი კლუბებზე ზეწოლას მაჟორიტარების საშუალებით ახდენს
!["ცოცხებით გავყრი მაგათ" - დაპირისპირება რაგბის კავშირში... [VIDEO]](/pictures/image7/c89a17bae97f1fec68d92f5ad82fa35b.jpg "\"ცოცხებით გავყრი მაგათ\" - დაპირისპირება რაგბის კავშირში... [VIDEO]")
