"უმცროსმა ბორჯღალოსნებმა" ევროპის ჩემპიონატის ფინალში ფრანგებთან წააგეს

15 აპრილს, საქართველოს 18 წლამდე მორაგბეთა ნაკრები "რაგბი ევროპის ღია ჩემპიონატის" ფინალურ მატჩში, ტურნირის მასპინძელ საფრანგეთის ნაკრებს დაუპირისპირდა და ანგარიშით 18:36 დამარცხდა. პირველი ტაიმი "უმცროსმა ბორჯღალოსნებმა" 3:22 დათმეს.

დავით ჩავლეიშვილის შეგირდებმა მეტოქეს 2 ლელო დაუდეს, ერთი გარდასახეს და ორი ჯარიმა გაიტანეს. მეორე ტაიმში ლელოს დადება გიორგი ახალაძემ და ვანო კარკაძემ შეძლეს, თედო აბჟანდაძემ კი ორი საჯარიმო გაიტანა და ორიდან ერთი გარდასახვა ზუსტად შეასრულა.

შეგახსენებთ, რომ "უმცროსი ბორჯღალოსნები" ამ ტურნირის გადამწყვეტ შეხვედრაში ზედიზედ მესამედ დამარცხდნენ საფრანგეთის თანატოლთა გუნდთან.

საქართველოს ნაკრებმა მატჩი ამ შემადგენლობით ჩაატარა:
15. გიორგი ასათიანი, 14. კონსტანტინე მარჯანიშვილი, 13. ირაკლი სიმსივე, 12. ლაშა ლომიძე, 11. ოთარ ძაგნიძე, 10. თედო აბჟანდაძე, 9. საბა ხურცილავა. 1. გიორგი ახალაძე, 2. სოსო ჭყოიძე, 3. ლუკა აზარიაშვილი, 4. იოანე იაშაღაშვილი, 5. საბა ჯღარკავა, 6. რატი ჟორჟოლიანი. 7. ბექა ყორიაული, 8. გიგი ლეშკაშელი.
სათადარიგოები: 16. ლუკა ჭელიძე, 17. ვანო კარკაძე, 18. გია ხარაიშვილი, 19. ნიკა წივწივაძე, 20. კობა კოლოტაური, 21. მიხეილ ალანია, 22. რევაზ ხარაზიშვილი, 23. ლევან ნარიმანიძე, 24. დემურ თაფლაძე, 25. გოჩა ჩანადირი.