საქართველოს მორაგბეთა ნაკრების გარემარბმა გიორგი ფრუიძემ რუსეთის ჩემპიონატში დებიუტი დუბლით აღნიშნა. მან კრასნოიარსკის "კრასნი იართან" კონტრაქტის გაფორმების შემდეგ პირველად ითამაშა მოსკოვში "სლავას" წინააღმდეგ.
მატჩის 22-ე წუთზე "კრასნი იარის" პირველივე სახიფათო შეტევაში ფრუიძემ ლელო გაიტანა. პირველი ტაიმის მიწურულს კი, სტუმრებმა მეტოქის შეცდომები გამოიყენეს და კიდევ ორი ლელო მიითვალა - 21:0.
მეორე ნახევარში კრასნოიარსკელებმა კიდევ რამდენიმე ლელო გაიტანეს, რომელთაგან ერთ-ერთი კვლავ ქართველმა უკანახაზელმა მიითვალა.
საბოლოოდ "კრასნი იარმა" ანგარიშით 45:5 მოიგო. ციმბირელთა შორის მეორე ნახევარში თამაშში კიდევ ერთი "ბორჯღალოსანი", მგეზავი ლაშა მალაღურაძე ჩაერთო.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![რაგბი. ლეგიონი: ორი ქართული ლელო და ორი დებიუტი "ჩელენჯ კაპზე" [VIDEO]](/pictures/image7/45eacdffc72c57f43c1fa3aae070b19a.jpg "რაგბი. ლეგიონი: ორი ქართული ლელო და ორი დებიუტი \"ჩელენჯ კაპზე\" [VIDEO]")
