მსოფლიოს ყოფილმა პირველმა ჩოგანმა, ბელარუსმა ვიქტორია აზარენკამ გამოაცხადა, რომ აშშ-ის ღია პირველობაზე მონაწილეობას ვერ შეძლებს. უარის მიზეზი ჩოგბურთელის 8 თვის ვაჟის მამასთან, ბილი მაკკეიგთან სასამართლო დავაა.სასამართლომ დაადგინა, რომ ჩოგბურთელს არ შეუძლია ბავშვის კალიფორნიის ფარგლებს გარეთ გაყვანა, აზარენკას კი არ სურს შვილი ორი კვირით დატოვოს და ნიუ იორკში სათამაშოდ გაემგზავროს.
"სამწუხაროდ, უნდა შეგატყობინოთ, რომ ვერ შევძლებ წელს, აშშ-ის ღია პირველობაზე გამოსვლას ჩემი ოჯახური სიტუაციის გამო, - მოჰყავს TMZ-ს აზარენკას სიტყვები, - "მოუთმენლად დაველოდები მომავალი წლის ტურნირს".
ცნობილი გახდა, რომ აზარენკას
ბელარუსი 2013 და 2014 წლებში აშშ-ის ღიაზე ფინალამდე მივიდა. ამ სეზონში მისი ბოლო ტურნირი უიმბლდონი იყო. აზარენკა მერვედფინალამდე მივიდა, სადაც რუმინელ სიმონა ჰალეპთან წააგო.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![უიმბლდონი. III დღე: ჯოკოვიჩის დარტყმა კირგიოსის სტილში და წაგებული გათამაშება [VIDEO]](/pictures/image7/efafb757a17cdd490c03dd83f5456fcd.jpg "უიმბლდონი. III დღე: ჯოკოვიჩის დარტყმა კირგიოსის სტილში და წაგებული გათამაშება [VIDEO]")
